Ɛsekeɛl 39:17 - mzwDBL

¹⁷ Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, yerɛ jumbii bwa soo siwi, dɛ kpɔɡ bini olchɔɡa bwa ŋɔ, ‘Hé bwa le ba boa nyoa, dɛ́ di saraha maa dɛ ba ɛɛ dɛ tɛ heyaa nɔ. O ɛ sarahajen Israel bwejena dor. Hɛɛ di olaa dɛ́ nyɔ chal.

Ɛsekeɛl 39:17 ပူးပေါင်းရင်းမြစ်များ

Mumpar 31:54

O ɛ saraha deŋɡarere harɛ baa soɡa la ta, dɛ yerɛ o lolanar la ba ba di kondikwaa la. Baa dia tonɛ la, ba chɔ bela awola jwaana.

Aesaya 18:6

Gɛ kpala la aa chɔa la, ɡɛɛ Itiopia lala ɛɛ ba chɔe, ásɛ jumbii aa dɛ di ola dia bɔwɔb saŋ, ásɛ kpɔɡ bini olchɔɡa ɡe ba dia waa saŋ.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 34:6

Chal ne noo ɡboo tɔ Korowii kere la bwa, kɛŋɔ baa kpo pebiiri ne boohna dɛ ler a kporombie ɛ saraha ken. Korowii dɔ saraha ɛɛ bwɛjen Bosra. Nɛra ɛɛ serewoo kɛrɛdɛ kere la nyoa, Edom harɛ ta.

Aesaya 34:7

Wɛɛ kpoo nɛra baa dɔ kpeɡri kɛŋɔ kpɔɡ bini nae, ne banɔ la baa do kɛŋɔ nabali bwaa, ásɛ harɛ la bwa sɔ chal ne no.

Aesaya 56:9

Korowii ŋɔ, “Harɛre nɛra haa ɛ he te kɛŋɔ kpɔɡ bini ola, hé ba dɛ́ ba chɔɡ n nɛra Israel tena.

Jeremia 12:9

N nɛra maa lee ba tɛ n te do kɛŋɔ jumbie kɔle aa baro cheme dɛ́ yoo. Hé yerɛ kpɔɡ bini ola á bwa ba cheme dɛ́ di o ola.

Jeremia 25:33

Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Ɛsekeɛl 29:5

Mɛɛ ɡelee ta pua hɛŋle ɡbo harɛ la ta, he ne pɛŋa la bwa. Hɛɛ chɔ pɛɛpɛɛ harɛ la taa, nomɛlbwa aa wola hen kpɔ. Mɛɛ kpɔe tɛ harɛ la ta olchɔɡa ne jumbii á di he ol.

Ɛsekeɛl 39:16

Bwɛɛ bɛl ɛɛ bɛne belaa ba kpɔ o sɔn pa laa tena la, dɛɛ yerɔ Hamona. Gɛɛ baa ba doŋa laa kpɔ harɛ la ta.’ ”

Ɛsekeɛl 39:4

Israel bwejena taa hɛɛ ba sewa, he ne he laa tena bwa, ne harɛre ta laa tena baa ja he nɛɛ bwa. Mɛɛ kpɔe tɛ jumbii ne kpɔɡ bini olchɔɡa aa di konlala, he ɛ a kondikwa.

Sefania 1:7

Bɛ́lbwa hel men Nemenɛ Korowii sie. Tɔpere maa lea cheɡ dɛ́ bol n nɛra waa dɛ́ pa bole la telo tonɛ. N dɛ ba n nɛra Juda tena kpoora ɛ saraha, dɛ́ le ba dɔma bá ba yoo ba dɛ́ pa ba laala.

Matiu 24:28

‘Bela konlale aa lole la, belaa kokosakire ɛɛ cheme.’

1 Samoɛl 16:3

Yerɛ Jese ó ba saraha la bɔr. Mɛɛ baɡle ɡɛ haa ɛ. Bɛl la háa fuɡe noo do o nyu ta la, dɛ onee n le kooro.

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.

1 Samoɛl 9:13

Hé deno jo bwɛɛ la bini naa, hɛɛ nao mɔɔ dɛ́ kaa saraha la bɔr ka di kwa. Onee dɛ́ swee saraha kwaa ta tɛ nɛra la mɔɔ bá di, ásɛ mɔɔ nɛra baa ta nɔn yer ba la ɡe di. Hé kaa taraken, hɛ́ɛ ka nao.”