Ɛsekeɛl 39:11 - mzwDBL

¹¹ Awola tɔpere la, mɛɛ tɛ nomonjen Gɔɡ lala huɡribɔree Israel harɛ ta, fɛlembɔjen waa lɔ wee leebɔr ŋwɛnɛ nɛra aa kpɔ o ta baa kaa mpo ta la. Huɡribɔr la ɛɛ tɔ bela nɛra aa kpɔa baa kaa la ŋwɛnɛɛ, dɛkalkɛ belaa baa ba nomonjen Gɔɡ ne o laa tena bwa huɡa. Anomanta, baa yerɛ belaa Hamɔn Gɔɡ Fɛlembɔjen.

Ɛsekeɛl 39:11 ပူးပေါင်းရင်းမြစ်များ

Kaala 8:14

Anee ba boa a nyoa a dadaŋɛ chɔ, bobɛlbwa taŋre.

Ɛsekeɛl 38:2

“Nɛwɛnyini bie, eɡle sie ta koonomoa Gɔɡ waa lɔ Maɡɔɡ harɛ ta, dɛɛ nyiŋi Mɛsɛk ne Tubal harɛre ta. Bol waa aa dɛ ba o nɛɛ bala

Ɛsekeɛl 39:10

Aa hiah kɛŋɔ ba la kpɔɡ bini ka nyin daa kɛɛ dɛ́ ka teŋni daa kɔr bini ba mar kpa, dɛkalkɛ baa dɛɛ mar dɔmkwaa laanee. Ba ɡe ɛɛ ka pa nɛra baa pa ba laala laa ta la laalaa. Men Nemenɛ Korowiirii bola.

Ɛsekeɛl 39:12

Korobie anuanɛ dɛ Israel tena ta dɛ huɡ ba ɡɛ, dɛ́ won laa doŋa kpɔ harɛ la ta.

Ɛsekeɛl 39:15

Ba dɛ ɡaaɡe dɛ ka le hoɡ la bɛl nɛ aa, baa kpɔ konee pa bela, ásɛ nɛra baa dɛ kwi lalbɔɔne la ba kpɔ ka huɡe Hamɔn Gɔɡ Fɛlembɔjen la bini.

Ɛsekeɛl 47:18

O wee leebɔr jwɛh la ɛɛ chɔɔ le Hauran ne bwɛjen Damaskɔs baah ta, dɛ́ kpɔ Jɔɔdan Moo nyoa, Gelead ne Israel harɛ baah ta, dɛ́ kpoŋe kaa Yar Mpo ta, dɛ́ kaa bwɛɛ bɛl baa dɛ yerɔ Taama. Onɔ ɡee wee leebɔr jwɛh la.

Nɛra Kura 11:34

Gɛɛ a do ba pa bela sɔn Kebrɔt Hataava, dɛkalkɛŋɔ belaa ba bini banɔ la ba pɛla aa dɔ kondikwaa tenten la serewe, ba huɡ ba.

Nɛra Kura 34:11

ásɛ jwɛh la le Sɛfam dɛ́ kaa Ribla waa lɔ Ain wee leebɔr, dɛ́ kpoŋe wili kaa Galilia Moo nyoa wee leebɔr.

Amanesoma Luk Aa Chwera Tɔn 5:1

Awola bɛl, dɛ Yeesu cheɡɛ Gɛnɛsarɛt Moo la nyoa, asɛ nɛnlaa bane ba baro cheme, dɛ taɡɛ dɔŋa dɛɛ ba o be dɛ́ ba no Korowii Waa waa dɛ bol la.

Amanesoma Jɔn Aa Chwera Tɔn 6:1

A habɔɔ la, Yeesu le Galilia Moo baa dɛ yerɔ Tibeerias Moo la.