Ɛsekeɛl 38:4 - mzwDBL

⁴ Mɛɛ sɔɔh o nyoa, dɛ́ kpɔ ɡoŋre do o nyoa ta, dɛ́ tɛɡro, dɛ́ kpɔ o ne o laa tena bwa kaa. O nɛra baa vɔwɛ ntoa dɛ so jaɡre ta, ne laa tena baa kpoŋe kwaa baa kpɔa dɛɛ tɔ ba te ɡbemɡbe, ba bwa ɛɛ beɡre ba keri bobɛlbwa.

Ɛsekeɛl 38:4 ပူးပေါင်းရင်းမြစ်များ

2 Koranar 19:28

N no he deŋnekpeɡ we-ɛɛla, ne mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

1 Webena 12:8

Baala bane le Gad dea dɛ ba ja Kooro Devid laa tena la nɛɛ dekpeɡ la ta pua hɛŋle ɡbo harɛ ta bobɛl. Ba ɛ banyoola baa kpoŋe kwaa baa kpɔa tɔ ɡbemɡbe dɛɛ yo laa ne lampeare. Ba siebɔra do ɔma kɛŋɔ nyujentena ken, dɛ do ɡbaŋre kɛŋɔ kweɡli aa lɔ bwejena dor.

2 Webena 25:5

Kooro Amasea boa baala bwa baa lɔ Juda ne Bɛnjamen deene, dɛ le ba nomonnyuune ba chɔ laa tena kaɡboŋa ne lafare nyoo ba deene ta. Baala baa di bene fifraanɛ kɛɛ dɛ ɡwaa lɔ nɛra kaɡboŋa lafraatoro. Banee ba le ba kpɔ ba te dɛ jemɛ lampeare ne kwaa baa kpɔa dɛɛ tɔ ba te ɡbemɡbe laa ta ne yoi kɛrɛdɛ.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Aesaya 43:17

Onee ɡela nee lɔ laa tena ne jaɡre ne torɔɡore a choɡli chɔ, nee bɔle ba nɛɛ ba ta wone ir kpa dɛ serewe kɛŋɔ nii aa dima ken.

Jeremia 46:9

Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Ɛsekeɛl 23:12

Asiiria harɛ nomonjena ne laa nomonome, baa do laala aa wera dɛ do wer bonɔɔna, dɛɛ yo jaɡre ne nɛɛ o ɡe ka teŋɛ.

Ɛsekeɛl 29:4

Kɛ mɛɛ do ɡoŋa he nyoaa, ásɛ pɛŋa aa lɔ nee la ta bwa marɛ he pɛɡa ta, ń tɛɡre le baŋ.

Ɛsekeɛl 38:15

Hɛɛ le bojaŋ le weekaŋle nyunduabɔree, dɛ́ tɔ harɛre laa tena baa wara dɛ so jaɡre ta sie dɛ́ ba. Ba ɛ laa tena baa wara dɛ do kpeɡri kohona.

Ɛsekeɛl 38:3

dɛ ŋɔ o be ŋɔ men Nemenɛ Korowii, n ne o dɔɔ.

Ɛsekeɛl 39:2

‘Mɛɛ sɔɔh he nyoa dɛ́ tuuɡi harɛ le he ne bojaŋ weekaŋle nyunduabɔr le, dɛ́ kpɔe ka ta Israel bwejena la dor.

Ɛsekeɛl 39:20

N tiɡ ta, hɛɛ di jaɡre ne nɛra ba dɛ so a ta, ne banyoola, dɛ laa tena bwa soo siwii olaa, dɛ́ vaɡre ɡɛ bwa haa dɛ nyin. Men Nemenɛ Korowiirii bola.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.

Emɔs 4:2

Nemenɛ Korowii waa do ɡoroŋ ŋwɛɛrɔ ŋɔ, “Tɔpera ane ɛɛ bao ásɛ ba lawɛ heyaa ɡoŋri ne kaa. Baa tɛɡre bɛlbwaa kaa kɛŋɔ pɛŋe ken.