Ɛsekeɛl 38:13 - mzwDBL

¹³ Korowii berɔ ŋɔ, “Seeba ne Dedan, dɛ bonadiire baa le Taases ne o bwɛjeɡre ta ɛɛ bɔɔ heyaa ŋɔ, ‘Hɛɛ boa he laa tena nyoa, dɛ́ ba yo dɛ́ pa suuɡaswɛm ne suuɡapoŋa, kondɛɛra ne laala kɛŋɔ laa ta kwaa dɛ́ kaa kɛɛ?’ ”

Ɛsekeɛl 38:13 ပူးပေါင်းရင်းမြစ်များ

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Jeremia 15:13

He wechɔɡa aa kana harɛ la ta bwa nomanta, mɛɛ ɡeloo dɔma pa he kondɔɔh, ne laala a yoɡ aa kpeɡa bwa kɛŋɔ laa ta kwa, ásɛ a ɛ deŋnetɛra tɛ heya.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 51:38

Babelɔn tena dɛ dooɡe lɔŋɔre dɛɛ ŋoo kɛŋɔ nyujentena ken.

Ɛsekeɛl 25:13

anomanta, men Nemenɛ Korowii ŋɔ, ‘Mɛɛ kpɔ nɔnee dawɛ Edom tena nɛɛ dɛ́ tɛr ba deŋne, ásɛ dɛ kpoo nɛra bwa ne ba kondɛɛra. Mɛɛ ɡeloo harɛ la chɔ pɛɛ le bwɛjen Teman dɛ́ ka le bwɛjen Dedan, ásɛ ba kpoo nɛra laa ta.

Ɛsekeɛl 27:12

He kondɔɔh kohona nomanta, bonadiire le Taases dɛ kpɔ suuɡapoŋa ne bune dɛ kpana, dɛ baa charɛ kwaa he be.

Ɛsekeɛl 27:15

He ne baala baa le Roods di bona. He ne nɛra kɛrɛdɛ baa soɡe mpo nyoa ɡe di bona. Ba kpɔ bala nyena ne dadɛɛɡa ba charɛ kwaa he be.

Ɛsekeɛl 27:20

Dedan tena ɡe kpɔ yale baa kpɔa dɛɛ dawɛ jaɡre nɛɛ dɛɛ so a ta, ba charɛ laala he be.

Ɛsekeɛl 27:25

Bwɛjen Taases stiimaeree dɛɛ kpɔ he laala. He do kɛŋɔ stiimae waa lɔ mpo ta dɛɛ che bontɔɡa.

Ɛsekeɛl 32:2

“Nɛwɛnyini bie, kpɔ wiile ŋɔ Ijipt kooro be ŋɔ, ‘He do kɛŋɔ nyujente harɛre ta nɛra baah ta, he do kɛŋɔ lɛŋɔ waa lɔ moo ta. He dɛ jo nenabɔɔne ta dɛ́ pora a chɔɡ.

Joel 3:8

Mɛɛ yoɡ he bibaala ne bihaahnaa tɛ Juda harɛ ta tena, ásɛ ba ɡe yoɡ ba tɛ Seba tena baa soɡe bojaŋ harɛ ta la.” Korowiirii bola.

Sekaria 11:3

Hé no koranar baa do kɛ peteɡra la wii baa dɛ wi, ba jirima baa dɔa bwa tonɔ. Hé no nyujentena sii aa dɛ si kohona, kɔr o daa aa fara a do o bini Jɔɔdan Moo nyoa bwa chɔɡɔ.