Ɛsekeɛl 38:12 - mzwDBL

¹² Hɛɛ pa nɛra baa soɡe bwɛjena a bwa fa aa paɡra dɛ ɛ dimɡbeeni la laalaa kɛŋɔ laa ta kwa. Gɛ nɛra nɔ nyoa ba boa le harɛre ane ta la. Taraken, ba dɔ kondɛɛra ne laala tenten dɛ so harɛ la baah ta.’ ”

Ɛsekeɛl 38:12 ပူးပေါင်းရင်းမြစ်များ

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.

Ɛsekeɛl 29:19

Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Emɔs 1:8

Mɛɛ ir koranar baa lɔ bwɛjena Asdɔd ne Askɛlɔn kora taa. Mɛɛ tɛr bwɛjen Ekron tena deŋnee, ásɛ Filisti tena baa kaa la bwa serewe. Men Nemenɛ Korowiirii bola.”

Sekaria 1:12

Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’

Sekaria 1:17

Korowii nyundua torome berɔ ŋɔ kenii Koranar Bwa Kooro ɛɛ bol, ‘Mɛɛ ɡeloo n bwɛɛre la berɛ dɔ a te, ásɛ dɛ larawe n nɛra baa lɔ Jerusalam bwara, dɛ́ kpɔ bwɛjen la ɛ n kon.’

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Sitɔɔla 9:37

Gaal berɔ bol o be ja ŋɔ, “Na! Nɛra le bwejen la doa dɛɛ ba, asɛ bane ɡe le voɡra daa la mun dɛɛ ba.”