Ɛsekeɛl 38:10 - mzwDBL

¹⁰ Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Ɛsekeɛl 38:10 ပူးပေါင်းရင်းမြစ်များ

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Yela 36:4

Ba chɔ ba chɔɔbɔra kwaraa naa, baa wobɛlbwa aa wera ɛ, baa wechɔɡa bɛlbwa ɡe vɛh.

Sɛɡla 12:2

Korowii tea dɛ to nɛndɛɛɡa nɛ, dɛɛ pa nɛra baa dɛ lii wechɔɡa bolchɔɡe.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Sɛɡla 6:14

ba dɔ liichɔɡa ba nyu bini, dɛɛ vɔrɔwe wechɔɡa ba bambile ta. Wobochɔɡa lɔ ba nyoo baa ir nɛra bandia.

Sɛɡla 6:18

ne nɛn waa dɔ wechɔɡa vɔrɔwa o nyu bini, ne nɛn waa ɡbaŋa wechɔɡa ɛɛ ta,

Aesaya 10:7

Kɛ Asiiria koojen te fe aa an ɡɛ nyin, dɛ o liire laa. O waa bwaa kɛŋɔ o fee den chɔɡ harɛre ɡalɡa bwa kwara.

Ɛsekeɛl 11:5

Korowii Doma la baa so n nɛ, asɛ dɛ ŋɔ ń bol Israel tena be ŋɔ, “N jemɛ waa haa dɛ bol, ne anɔ la haa dɛ vɔrɔwe bwa ɡe.

Maeka 2:1

Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.

Amanesoma Mak Aa Chwera Tɔn 7:21

Liichɔɡa ne jwamane, ne ŋwɛɛ ne nɛŋkpoa,

Amanesoma Jɔn Aa Chwera Tɔn 13:2

O ne o habɔteŋra aa lɔ tiɡ ta jɔmɔra la, Bɔnsam tɔ sie kpɔ liichɔɡa ba do Seemɔn Eskareɔt bie Judas bini kɛŋɔ ó le Yeesu tɛ.

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

We-ɛɛla 5:9

Belaa Pita pɛɛro ŋɔ, “Ɛrɛɛ he ne he jaa nyoa pɛ asɛ he daah Korowii Domadɛɛɡe dɛɛ na nɔɔ? Bonɔɔna baa kaa huɡe he jaa laanee tel doonyoa la. Baa che he ɡee le buse.”

We-ɛɛla 8:22

Charɛ he liire dɛ́ le he wechɔɡa nɔ haa dɛ lii nɔ ta, dɛ́ soŋe Korowii ásɛ dɛ aa maɡroo waa, ó kpɔ he wechɔɡa haa liira nɔ kɛɛ.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.