Ɛsekeɛl 37:9 - mzwDBL

⁹ Belaa Korowii ŋɔ n be ŋɔ, “Nɛwɛnyini bie, yerɛ peu dɛ́ bol waa aa dɛ ba bala, dɛ́ ŋɔ men Nemenɛ Korowii ŋɔ, ‘Peu, le bobɛlbwa dɛ́ ba jo nɛra baa kpoo ba bil nɔ bini, ásɛ ba dɔ hweera dɛ́ dɔ mkpa.’ ”

Ɛsekeɛl 37:9 ပူးပေါင်းရင်းမြစ်များ

Yela 104:30

Hweeraa he hwee do a bini dɛ taa, dɛ ɡel kwaa haa taa bwa dɔ mkpa harɛ ta.

Yelsom 4:16

Weekaŋle nyundua peu ir, ásɛ weekaŋle harɛbɔr peu ɡe ta. Ta kpɔ bodɛɛɡe maa du daa la, ásɛ daa la sɔɔh yɛɛ kaa bojaŋ. Gel n sɛnodɛɛɡe ba jo daa la baah, dɛ́ di a nɔna aa soma la.

Ɛsekeɛl 37:14

Mɛɛ kpɔ n Domaa ba so he nɛɛ hé dɔ mkpa, ásɛ n kpɔ heyaa kaa he ɡbaɡba harɛ ta ka so. Ásɛ he jemɛ kɛŋɔ men Korowii, waa maa bola la, n ɛa. Men Korowiirii bola.’ ”

Ɛsekeɛl 37:4

Anee Korowii ŋɔ n be ŋɔ, “Bol hoɡa la be, waa aa dɛ ba a nɛɛ bala. Ŋɔ á cheɡ deŋne dɛ́ no men Korowii wa.

Ɛsekeɛl 37:5

Men Nemenɛ Korowii, n dɛ bol hoɡa la be ŋɔ, ‘Mɛɛ tɛ heyaa hweeraa hé berɛ dɔ mkpa.

Ɛsekeɛl 37:8

Maa dɛ nyiŋi la, n nao kɛŋɔ dɛɛhne ne bo-ol aa ba a ta, asɛ bɔtɔn bɔla, kɛ dɛ hweera toole a ta.

Daneɛl 11:4

Gɛ kooro la balaa, o harɛre waa dɛ di kora a ta la dɛ ba peɡra, dɛ bɔne bɔre anaarɛ. O naanar aa koraa dɔ di. Gɛ kooro la aa kpeɡrii dɔ kpa, dɛkalkɛ o kora la ɛɛ ɡuu, dɛ́ berɛ bane kon.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Sekaria 6:5

O chaŋ mɛ ŋɔ, “A ɛ peu bele anaarɛ aa le nyundua Korowii waa ɛ harɛ nɔ bwa Dɔɔ be.

Amanesoma Jɔn Aa Chwera Tɔn 3:8

Bela peu aa dɛ nyin laanee o ta dɛɛ kaa. O dɛ ta aa, he dɛ no o ɡbɔɡa kɛ haa on na, haa won jemɛ bela waa lea ne bela waa dɛ kaa. Gɛɛ nomɛlbwa Korowii Domadɛɛɡe aa lolɔ la do. Dɛ o we-ɛɛla laa aa, komɛlbwa toole dɛɛ baɡle kɛ Korowii Domadɛɛɡe lolɔ.”

Wepila 10:11

Anee ba ŋɔ n be ŋɔ, “A chɛ kɛŋɔ hé baɡle waa aa dɛ ba nɛndamanta baa lɔ harɛre bwa ta ne wobol bwa soo siwi dɛ koranar bwa ɛɛ kerekere la ja.”

Wepila 11:11

Asɛ tɔpera atoro ne fah habɔɔ la, hweera le Korowii be, dɛ jo ba nɛɛ ba dɔ mkpa dɛ ir, asɛ ɔmee lawɛ nɛra baa cheɡa dɛɛ nyiŋ ba la taeh.