Ɛsekeɛl 37:6 - mzwDBL

⁶ Mɛɛ ɡeloo dɛɛhne ba he nɛ, dɛ́ tɛ heyaa bo-ol, dɛ́ kpɔ tɔn bɔle, dɛ́ tɛ heyaa hweera hé dɔ mkpa. Ásɛ he jemɛ kɛŋɔ menee Korowii.’ ”

Ɛsekeɛl 37:6 ပူးပေါင်းရင်းမြစ်များ

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

Yela 104:30

Hweeraa he hwee do a bini dɛ taa, dɛ ɡel kwaa haa taa bwa dɔ mkpa harɛ ta.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Ɛsekeɛl 11:10

He ɡbaɡba harɛ taa baa ba heyaa kpoora laa ta, ásɛ nomɛlbwa jemɛ kɛŋɔ menee Korowii.

Ɛsekeɛl 11:12

Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Ɛsekeɛl 32:15

Maa ba ɡel Ijipt harɛ chɔ pɛɛ dɛ́ chɔɡ komɛlbwa aa lɔ o ta, dɛ́ kpoo o nɛra bwa la, anee baa ba jema kɛŋɔ menee Korowii.

Ɛsekeɛl 34:27

Harɛ la ta daa bɛlbwa ɛɛ nɔnɔɔ kɛrɛdɛ, ásɛ koo kondikwaa ɛ kohona, nomɛlbwa so deŋnesɔɔhna ta o harɛ ta. N baa lawɛ n nɛra le nɛra baa dɛ fiɡ ba kɛ yoma nɔn ta naa, anee baa ba jema kɛŋɔ menee Korowii.

Ɛsekeɛl 35:12

Anee hɛɛ ba jema kɛŋɔ men Korowii, n no nɛnhɛlwobol haa bola Israel bwejena waa ŋɔ a bwa chɔ pɛɛ ba kpɔ tɛ heyaa a ɛ he kwa.

Ɛsekeɛl 35:15

Edom tena, he sie aa lɛa ɡɛ saŋ Israel tena harɛ aa chɔ pɛɛ la, ɡɛ tentenee mɛɛ ba kpɔe ɛ heya, Sɛɛ Bwejen ne Edom harɛ bwa. Asɛ nomɛlbwa jemɛ kɛŋɔ menee Korowii.”

Ɛsekeɛl 35:9

Mɛɛ chɔɡ harɛ laanee kwaraa, ásɛ nɛra aa won berɛ ba so o ta kpa. Anee hɛɛ ba jema kɛŋɔ menee Korowii.

Ɛsekeɛl 37:14

Mɛɛ kpɔ n Domaa ba so he nɛɛ hé dɔ mkpa, ásɛ n kpɔ heyaa kaa he ɡbaɡba harɛ ta ka so. Ásɛ he jemɛ kɛŋɔ men Korowii, waa maa bola la, n ɛa. Men Korowiirii bola.’ ”

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 39:22

Le awola dɛɛ kaa la, mɛɛ ɡeloo Israel tena jemɛ kɛŋɔ menee Korowii baa dɛ tom mɛ la.

Ɛsekeɛl 39:28

Belaa baa ba jema kɛŋɔ, menee Korowii baa dɛ tom mɛ la. A lole kɛŋɔ n doŋ ba kaa bojaŋ harɛfala ta te, kɛ mɛɛ boa ba nyoaa, dɛ́ ba ba ne ba ɡbaɡba harɛ ta, maa bɛlbwa habɔɔ ta.

Ɛsekeɛl 39:6

Mɛɛ kpɔ niinii ba fuh Maɡɔɡ harɛ ne nɛra baa soɡe deŋnesɔɔhna ta mpo nyoo, ásɛ ba jemɛ kɛŋɔ menee Korowii.

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Ɛsekeɛl 6:7

Nɛra ɛɛ serewoo chɔ bobɛlbwa, ásɛ banɔ la baa ka la jemɛ kɛŋɔ onee Korowii.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Joel 2:27

Anee dɛ́ ɡel he jemɛ kɛ n ja he nɛɛ Israel harɛ, menee Korowii haa dɛ tom mɛ, nomɛlbwa toole kpa. Sihiih aa n nɛraa kpo bwa.”

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Mmarare 29:6

He ta kondikwaa kɛɛ sen bɛlbwa dɔe nyɔ. O ɛ ɡɛ ásɛ he jemɛ kɛŋɔ onee Korowii haa dɛ tomɛ la.