Ɛsekeɛl 37:28 - mzwDBL

²⁸ N kpɔ n Dea la ba cheɡ ba harɛ la ta saŋ bɛlbwa dɛɛ la naa, anee dɛ́ ɡel harɛre nɛra jemɛ kɛŋɔ menee le Israel tena tɛ n te.’ ”

Ɛsekeɛl 37:28 ပူးပေါင်းရင်းမြစ်များ

Ɛsekeɛl 20:12

N ŋɔ baa di Ona Tɔpera la a ɛ fɔo dɛ́ chɔ n ne ba baah, dɛ́ lii kɛŋɔ men Korowiirii ɛɛ ba ba do ɡoroŋ.

Kaala 31:13

“Ŋɔ Israel tena be ŋɔ a chɛ kɛŋɔ báa di n Ona Tɔpera. Anee dɛ́ ɛ danseɛ kon n ne ba baah dɛɛ lii ba, hale dɛ ka tel ba naanar baa ka ba bwa nɛ, ásɛ he jemɛ kɛŋɔ men Korowiirii le heyaa tɛ n te hé ɛ n nɛra.

Ɛsekeɛl 36:23

Mɛɛ baɡle ɡɛ n sɔnjen la aa do ɡoroŋ, n sɔn haa chɔɡo tɛ harɛre nɛra la. Ásɛ harɛre nɛra la bwa jemɛ kɛŋɔ menee Nemenɛ Korowii. He nɛɛ mɛɛ ba cheɡa, dɛ́ chaɡle kɛŋɔ n do ɡoroŋ ba siwi ta.

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Lewi Dea Tena 21:8

Nɛra la ɛɛ nyiŋi sɔfore kɛŋɔ nɛra baa do ɡoroŋ, banee kpɔ saraha kondikwaa aa do ɡoroŋ baa tɛ Korowii baa dɛ tomɔ la. Onee Korowii, o do ɡoroŋ dɛ ɡel o nɛra ɡe ɛɛ do ɡoroŋ.

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

Tɔn Pɔɔl Aa Chwerɛ Rom Tena 11:15

Aa cheɡɛ Israel tena ne Korowii baah chɔɡa ta asɛ nɛwɛnyina kabora ne Korowii baah kwaa nɔ, dɛ Korowii berɔ lɛ Israel tena dɛ kpɔ ba ɛ o bii aa, bɔkwa nee aa ba bala ɔ? Aa ba silɛɛ nee kohona, kɛŋɔ lala bwa aa ir seo ta.

Ɛsekeɛl 39:7

Mɛɛ ɡeloo n nɛra Israel tena jemɛ kɛ n sɔn do ɡoroŋ, dɛ bɛ doŋa kpɔ kah n sɔn kpa. Ásɛ harɛre ta nɛra jemɛ kɛŋɔ menee Israel Nɛŋɡoroŋ la.

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 36:36

Belaa harɛre aa kaa dɛ bar heyaa cheme la ɛɛ ba jema kɛŋɔ, menee bera ba vɔrɔwe bwɛjena a fa aa paɡra dɛ chɔ pɛɛ, dɛ berɛ ɡel harɛ la ɛ harɛpare la. Men Nemenɛ Korowiirii bola, mɛɛ ɛo ɡe.”

Yela 126:2

Ya sie lɛo kohona, ya mamɛ dɛɛ ɡo yela, asɛ harɛre nɛra bwa bol ya waa ŋɔ, “Korowii ɛ wejena tɛɛ ba.”

Yela 102:15

Harɛre nɛra bwa ɛɛ ɔmɛ Korowiirii, ásɛ koranar baa lɔ harɛ nɔ ta bwa ɡe kpɛɛ o jirima waa dɔa.

Yela 79:10

Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ dɔɔ nɔɔ?” Tɛr nɛra baa kpoo he bonɔɔna deŋne, ya siwi ta bonɔ.

Lewi Dea Tena 20:8

Hé lawɛ me Mmarare bini kpoŋe dɛ́ɛ teŋɛ a bwa ta, dɛkalkɛ menee Korowii, menee ɡela he do ɡoroŋ.

Ɛsekeɛl 39:23

Harɛre ta nɛra ɛɛ jemɔɔ kɛŋɔ, Israel tena wechɔɡa baa ɛa laanee ɡela ba dɔma laɡ ba laa ta kaa bojaŋ harɛfale ta, dɛkalkɛ ba le n habɔɔ. N laa sie kpɔ ba nɛɛ dɛ kpɔ ba do ba dɔma nɔn ta, ba kpoo ba keri ne.

Matiu 23:17

Nyoŋeɡɛna bane! Suuɡaswɛm la ne Korowii Dea la waa ɡela suuɡaswɛm la do ɔma la, umee do ɔma ɡwaa o dɔŋ ɔ?

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Ɛsekeɛl 38:1

Korowii bol waa men Ɛsekeɛl be ŋɔ,

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.

Kaala 15:17

He kpɔ ba ka so he be bwe doa, bwe la doa waa ɛ he soŋnibɔr la, he ɡbaɡba Dea waa do ɡoroŋ he che he kpeɡri ta cheɡo la.

Kaala 25:8

Gel ba ɛ Tɛnte Dea waa do ɡoroŋ tɛ mɛ, ásɛ n ba so ba bini.

Lewi Dea Tena 26:11

Mɛɛ so he be n Tɛnte Dea la binii. Maa habɔɔ berɛ kpo heyaa bwa.

Ɛsekeɛl 48:35

Harɛ la bwa jaŋne dɛ bar la ɛɛ ɛ naɡale kaɡboŋa fifraanɛ dɛ anuanɛɛ. Dɛ le awola dɛ kaa la, baa yerɛ bwɛjen la, ‘korowii lɔ bela.’ ”

Sefania 3:15

Korowii ɡel he deŋne tɛra, dɛ le he dɔma bwa ne. Korowii waa ɛ Israel kooro la ja he nɛ. Komɛlbwa toole he ɔmɛ kpa.