Ɛsekeɛl 37:1 - mzwDBL

¹ Korowii kpeɡri ba men Ɛsekeɛl nɛ, asɛ o Doma kpɔ mɛ le ka che fɛlembɔjen bɛl bini, dɛ hoɡa su o ta bwa.

Ɛsekeɛl 37:1 ပူးပေါင်းရင်းမြစ်များ

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

2 Koranar 2:16

dɛ ŋɔ o be ŋɔ, “Yan yaa ɛ he bonɔɔna lɔ baala fifraanue ya bwara aa kpeɡa bonɔ. Gel yá ka ɡaaɡe he nomoa bɔr, Korowii domaa ken baa kpɔɔ kaa dɛ ka ɡelo bwejen bɛl doa kɛɛ fɛlembɔjen bɛl bini.” Anee Elaesa ŋɔ, “Akai, he bɛ nomɛlbwa tomɛ.”

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Jeremia 7:2

ó che Korowii Dea doonyoa dɛ́ bol waa nɔ, “Juda tena bwa, hé no waa Korowii aa dɛ bol, heyaa yon kpɔ doonyoa nɔ ta jo dɛ baa tomɛ Korowii.

Jeremia 7:32

Anomanta, saŋ bɛl ɛɛ bao baa wola on yerɛ Tɔfɛt kɛɛ Henɔm Fɛlembɔjen kpa, baa dɛɛ yerɔ Nɛŋkpoa Fɛlembɔjenii. Baa huɡe nɛra belaa ka tel kɛ bɔr aa wola lee do bá huɡ ba.

Jeremia 8:2

A fe aa chɛ kɛ bá boa a nyoa dɛ́ ka huɡa la, aa chɔɔ kɛŋɔ haahra aa ɡela harɛ ɛɛ do wer ken harɛ la bobɛlbwa. Baa pa hoɡa laanee nyenɛ, ásɛ wee ne korobie ne weweela aa do kɛ voɡare a ɡɛ nɛra nɔ aa nyina kohona dɛɛ toma, dɛ kaa bɔɔ ba nyu waa a be la ɛɛ lɔ a ta.

Ɛsekeɛl 1:3

Keba Moo nyoa Babelɔn harɛ ta belaa Korowii bol waa men Ɛsekeɛl maa ɛ sɔfo be, n dɔ o kpeɡri dɛ na wepila.

Ɛsekeɛl 11:24

Wepila la ta la, Korowii Doma la kpɔ mɛ ir ba n bala baa laɡ ba kaa harɛfale ta Babelɔn la be. Belaa wepila la ba a jaɡa,

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Ɛsekeɛl 3:22

Korowii kpeɡri ba n nɛɛ bela dɛ ŋɔ n be ŋɔ, “Ir kaa deŋɡarere dor harɛ waa chɔa kaa la ta, ásɛ n bol waa he be.”

Ɛsekeɛl 33:22

Dɛ Korowii tɛ mɛ kpeɡri jɔmɔra bɛl, mɔɔ tɔɔper chɔɔbɔr baa la ba n be, asɛ Korowii pili n nyoa, dɛ ɡel n berɛ won waa bola.

Ɛsekeɛl 37:2

Doma la tɔ n sie la sie, dɛ ba n ne habɔɔ hoɡa la bini, asɛ n na hoɡa a warɛ chɔ fɛlembɔjen la bini, dɛ a bwara loɡao kɛrɛdɛ.

Ɛsekeɛl 40:1

Baa lawɛ yaa laa ta kaa bojaŋ harɛfale ta bene fifraanɛ dɛ anue ta, benfale tɔpera fi ta la, dɛ Jerusalam aa paɡra bene fi dɛ anaarɛ habɔɔ. Awola tɔpere laanee Korowii kpeɡri ba n nɛɛ dɛ kpɔ mɛ kaa Jerusalam.

Ɛsekeɛl 43:5

Belaa Korowii Doma la kpɔ mɛ ir, dɛ ba n ne bini dembaah la ta, asɛ Korowii jirima su o Dea bela.

Ɛsekeɛl 8:1

Baa lawɛ yaa kaa harɛfale ta bene anumɛl korobinumɛl tɔpenue ta la, dɛ men Ɛsekeɛl soɡe n dem, asɛ Juda tena nomonome la cheme n sie, asɛ Nemenɛ Korowii Doma den ba so n nɛ.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Amanesoma Luk Aa Chwera Tɔn 4:1

Yeesu aa le o Korowii nee sɔe la bɔr Jɔɔdan Moo ta dɛɛ kaa dem la, Korowii Domadɛɛɡe la ir o nɛ, dɛ kpɔɔ kaa pua hɛŋle ɡbo harɛ ta, asɛ o ka do bela tɔpera fifraanaarɛ.

We-ɛɛla 8:39

Baa le nee la ta la, Korowii Domadɛɛɡe baa kpɔ Felep kaa buɡ la ta. Nomoa la ta on nae kpa, dɛ chiɡ ŋwɛnɛ ta kaa silɛɛ ne.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.