Ɛsekeɛl 36:9 - mzwDBL

⁹ He waa lɔ n bambile ta, mɛɛ sune he nɛɛ he berɛ parɛ he harɛ la, dɛ́ du kwa.

Ɛsekeɛl 36:9 ပူးပေါင်းရင်းမြစ်များ

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 99:8

N Naa Korowii yaa dɛ tomɛ, he no he nɛra wesoŋa. A lole kɛ he tɛr ba deŋne te, kɛ he ɡelɔ ba jemɛ kɛ he kpɔ wechɔɡa dɛɛ kɛ.

Jeremia 31:27

“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta.

Ɛsekeɛl 28:26

Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Ɛsekeɛl 34:14

Mɛɛ teɡaa kaa dibɔra aa wera taa á ka di. Israel harɛ bwejena doree mɛɛ ba a dɛɛra, á dɔ kpɔɡdɛɛɡa di a bwara sɔɔhna.

Ɛsekeɛl 36:34

Harɛ waa chɔ pɛɛ la ɛɛ berɛ harɛparee, ásɛ nɛra baa dɛ kpɔ o ta la na kɛŋɔ o ta pɛɛ chɔe kpa.

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Lewi Dea Tena 26:9

Mɛɛ nyiŋi he nɛɛ dɛ́ ɡel he mun ya kohona, ásɛ n ne he fɔo yaa fɔwɛ la che.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Sekaria 8:12

Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?