Ɛsekeɛl 36:8 - mzwDBL

⁸ Kɛ daa aa lɔ Israel bwejena dor ɛɛ berɔ moɡɛ, dɛ́ nɔnɛ kohona á ɛ kondikwaa tɛ n nɛra Israel tena, dɛkalkɛ aa biɡri n berɛ ba ba ne dem.

Ɛsekeɛl 36:8 ပူးပေါင်းရင်းမြစ်များ

Yela 67:6

Kondikwa ɛɛ wonoo ɛ ya harɛ nɔ ta kohona, Korowii yaa dɛ tomɔ la ɛɛ swee yaa andɛɛɡaa.

Yela 85:12

Korowii ɛɛ ɡeloo ya wobɛlbwa do wer, ásɛ kondikwa kohona ba ya harɛ nɔ ta.

Aesaya 27:6

Tɔpere bɛl ɛɛ bao Jekɔb naanar baa ɛ Israel tena la dɔ lune dɛ́ le kɛŋɔ daa ken, dɛ́ moɡɛ dɛ́ fe, ásɛ dɛ nɔnɛ perɛ harɛ ta bobɛlbwa.

Aesaya 30:23

Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Aesaya 65:9

Mɛɛ swee Israel tena baa ɛ Juda dea tena andɛɛɡaa, ásɛ ba naanar so bwejena dor. Nɛra maa lee ba tɛ n te, baa tom mɛ laanee dɛɛ ba bela soɡa.

Ɛsekeɛl 12:25

Men Korowii te, n bol wa aa, aa biɡri dɛ́ ba. Saŋ he deŋnekpeɡ tena nɔ aa lole nɔ taa mɛɛ bola dɛ́ ɛa. Men Nemenɛ Korowiirii bola.”

Ɛsekeɛl 17:23

Israel bwejen doaa mɛɛ ba o chɔɔra. Wɛɛ ta kpalaa, dɛ́ do wer dɛ́ nɔnɛ. Jumbii bwa soo siwi ba sɔh a kɔne bela, dɛ́ so o chunchule ta.

Ɛsekeɛl 36:7

Dɛ ɡɛɛ a do tenaa, n ir nɔn dɛ ŋwɛɛ kɛŋɔ harɛre aa bar heyaa cheme nɔ nɛra ɡe ɛɛ di sihiih bá mam ba.

Joel 2:22

Kpɔɡ bini ola, he bɛ ɔmɛ, ola dibɔra kpɔɡa dɛ moɡɛ. Daa ɡe ɛɛ nɔnɛ, fiɡ ne ɡrepo nɔna ɡe warɛ.

Joel 2:24

Mea lɔbɔra bwa ɛɛ su meaa, ásɛ ɔleve noo ne senfala su vɛɛhna dɛ́ɛ ta.

Felepae 4:5

Hé ɡel nomɛlbwa jemɛ he waa kɛ he pwɛre. Ya Dɔɔ bala la pu yaa tonɛ.

Hibru 10:37

Anee Korowii Tɔn baɡle la. “A ka tamaa ken ásɛ naate waa dɛ ba bala la ba. Waa biɡra ba.