Ɛsekeɛl 36:4 - mzwDBL

⁴ Anomanta, Israel bwejena ne deŋɡarere, ne nenabɔɔne ne fɛlembɔjena, ne bwɛɛre aa chɔɡa dɛ chɔ pɛɛ, dɛ bwɛjena baa pa a laala laa ta kaa, harɛre nɛra baa bar heyaa cheme la mamɛ heya.

Ɛsekeɛl 36:4 ပူးပေါင်းရင်းမြစ်များ

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Ɛsekeɛl 34:28

Harɛre ane nɛra baa wola Korowii tomɛ aa won ba yoo ba, dɛ́ pa ba laala kaa kpa. Gɛɛ kpɔɡ bini olchɔɡa ɡe aa wola won ba laɡ ba chwe. Nomɛlbwa aa won ba aah ba kpa, ásɛ ba so deŋnesɔɔhna ta.

Ɛsekeɛl 34:8

Men Nemenɛ Korowii taa lole nɔ, n ŋwɛɛrɔ kɛŋɔ, n peera nya teɡre, a che a ta kpɔɡ bini olchɔɡa lawa dɛɛ di. N peteɡra la ta a bɔr ɡaaɡɛ, ba ɡbaɡba waa hiah ba.

Ɛsekeɛl 36:1

Korowii ŋɔ men Ɛsekeɛl be ŋɔ, “Nɛwɛnyini bie, bol Israel bwejena be waa aa dɛ ba a nɛɛ bala, ŋɔ á no waa Nemenɛ Korowii aa dɛ bol a be.

Ɛsekeɛl 36:6

Anomanta, bol waa aa dɛ ba Israel harɛ ta bala, dɛ́ ŋɔ bwejena ne deŋɡarere ne nenabɔɔne dɛ fɛlembɔjena be ŋɔ Nemenɛ Korowii bol waa meera ne bandia kohona ne, dɛkalkɛ he na hɔhɔrɔwa asɛ harɛre nɛra mamɛ heya.

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Ɛsekeɛl 6:3

‘He bwejena ne deŋɡarere, hé no Nemenɛ Korowii wa. O ŋɔ o dɛ ba laa ne dɛ́ ba chɔɡ bwejena ne deŋɡarere, ne bwea ŋwɛnɛre aa chɔ a baahna, ne fɛlembɔjena voɡare aa lɔ a ta nɛra ɛɛ toma la bwa.

Mmarare 11:11

Harɛ haa dɛ ba Jɔɔdan ɡala ka so o ta nɔ ɛ bwejena ne nenabɔjena harɛ bwaala aa dɛ nɛ o ta.