Ɛsekeɛl 36:22 - mzwDBL

²² Anomanta, ŋɔ men Nemenɛ Korowii ŋɔ Israel tena be ŋɔ, ‘He waa laa mɛɛ ba ɡɛ waa nɔ ɛɛ. N sɔn waa do ɡoroŋ he chɔɡo tɛ harɛre nɛra, bela bwa haa laŋa la waa.

Ɛsekeɛl 36:22 ပူးပေါင်းရင်းမြစ်များ

Yela 106:8

Kɛ he lɛɛ ba ɡɛ haa baɡ ba nyoa la, dɛ baɡle ɡɛ haa dɔ kpeɡri kohona.

Ɛsekeɛl 36:32

Israel tena, n dɛ nyin he jemɛ kɛŋɔ he waa laa mɛɛ ba ɡɛ waa nɔ ɛɛ. N dɛ nyin kɛ sihiih kpo heyaa we-ɛɛla haa dɛ ɛ la wa!’ ”

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

Yela 109:21

Kɛ hen, Nemenɛ Korowii, che he sɔn ta dɛ́ cha mɛ. Lɛɛ mɛ he wer ne he nyina haa dɔa la wa,

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Ɛsekeɛl 20:44

N koh n sɔndɛɛɡe waa dɛ ɛ waane aa, hɛɛ jemɔɔ kɛŋɔ menee Korowii, dɛkalkɛ maa heyaa ɛ ɡɛ aa chɛ kɛŋɔ bá ɛ wechɔɡ-ɛɛra. Men Nemenɛ Korowiirii bola dɛɛ baɡle he Israel tena bwa.”

2 Koranar 19:34

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta.’ ”

Aesaya 48:11

N ɡbaɡba waa n ɛa ɡɛ. Maa ɡel n sɔn chɔɡ, maa ɡel he kpɔ jirima aa chɛ mɛ la tɛ nomɛl.”

Ɛsekeɛl 16:61

He baa lii waa he fa aa lɔ a ta la aa, sihiih ɛɛ kpoe. Maa kpɔ he nimanar ne he nahaahnanar ba tɛɛ bá do kɛ bihaahna tɛɛ la, ate ta fɔo n ne haa fɔwa la ta jae.

Ɛsekeɛl 39:25

Anomanta, Nemenɛ Korowii ŋɔ, “Mɛɛ berɔɔ lawɛ Jekɔb naanar baa ɛ Israel tena laanee le bojaŋ harɛfale la ta, dɛ́ sune ba nɛ, ásɛ n sɔn waa do ɡoroŋ la bɛ chɔɡ.

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.