Ɛsekeɛl 35:9 - mzwDBL

⁹ Mɛɛ chɔɡ harɛ laanee kwaraa, ásɛ nɛra aa won berɛ ba so o ta kpa. Anee hɛɛ ba jema kɛŋɔ menee Korowii.

Ɛsekeɛl 35:9 ပူးပေါင်းရင်းမြစ်များ

Yela 109:17

N dɔm la dɛ nyin nɛra taahna, ɡel o taahna ɡure o nyu ta. O hah sweera dɛ tɛ o dɔŋ, bɛ ɡel nomɛlbwa swee tɛ o ɡe.

Jeremia 49:13

N ŋwɛɛ n ɡbaɡba kɛŋɔ bwɛjen Bosra ɛɛ paɡroo dɛ́ berɛ dimɡbia, ásɛ dɛ berɛ kon nɛra aa na dɛɛ mamɛ, dɛɛ taahno ba bambile teŋe kohona. Bwɛɛre aa baro bwa ɡe ɛɛ chɔɡoo kwaraa saŋ bɛlbwa dɛɛ la. Men Korowiirii bola.”

Jeremia 51:62

Dɛ berɛ ŋɔ, ‘N Naa Korowii, he fa bolɔ ŋɔ hɛɛ chɔɡ bonɔɔ, ásɛ nɛra kɛɛ kondɛɛra aa wola won so o ta, ó berɛ dimɡbia saŋ bɛlbwa dɛɛ la.’

Ɛsekeɛl 25:13

anomanta, men Nemenɛ Korowii ŋɔ, ‘Mɛɛ kpɔ nɔnee dawɛ Edom tena nɛɛ dɛ́ tɛr ba deŋne, ásɛ dɛ kpoo nɛra bwa ne ba kondɛɛra. Mɛɛ ɡeloo harɛ la chɔ pɛɛ le bwɛjen Teman dɛ́ ka le bwɛjen Dedan, ásɛ ba kpoo nɛra laa ta.

Ɛsekeɛl 32:29

Edom tena ne ba koranar ne ba nomonjena bwa chɔ bela. Dɛ ba laa tena fa kpeɡri taeh, kɛ ane a bwa, ba ɡarɔ kpoo ba laa ta. Ba chɔ nɛra ba fa aa wola men Korowii tomɛ la baah ta lalabwɛ.

Ɛsekeɛl 35:4

Mɛɛ chɔɡ he bwɛjena bwaa a berɛ dimɡbia dɛ́ chɔ pɛɛ. Belaa hɛɛ ba jema kɛŋɔ menee Korowii.

Ɛsekeɛl 36:11

Mɛɛ ɡeloo nɛra ne kondɛɛra ya kohona, dɛ́ ɡel he berɛ ba so ɡɛ he fa aa soɡa wubwa la, ásɛ he wobɛlbwa do wer tɛ heyaa ɡwaa saŋ la kwara. Belaa hɛɛ ba jema kɛŋɔ menee Korowii.

Ɛsekeɛl 37:6

Mɛɛ ɡeloo dɛɛhne ba he nɛ, dɛ́ tɛ heyaa bo-ol, dɛ́ kpɔ tɔn bɔle, dɛ́ tɛ heyaa hweera hé dɔ mkpa. Ásɛ he jemɛ kɛŋɔ menee Korowii.’ ”

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Ɛsekeɛl 6:7

Nɛra ɛɛ serewoo chɔ bobɛlbwa, ásɛ banɔ la baa ka la jemɛ kɛŋɔ onee Korowii.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Obadia 1:10

Edom tena, haa cheɡɛ ŋwɛnɛchɔɡe ta kpoo he lolanar baa ɛ Jekɔb naanar nomanta, chɔɡaa hɛɛ ba chɔɡa, dɛ́ di ncho saŋ bɛlbwa dɛɛ la.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”