Ɛsekeɛl 35:5 - mzwDBL

⁵ Edom tena, he fa ɛ Israel tena dɔm, dɛ ɡel ba dɔma kpoo ba ba wenaale tɔpere, ba wechɔɡa baa ɛa deŋnetɛraa.

Ɛsekeɛl 35:5 ပူးပေါင်းရင်းမြစ်များ

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Ɛsekeɛl 25:12

Nemenɛ Korowii berɔ ŋɔ, “Edom tena yoi baa kaa yo Juda tena bandia ne, dɛ tɔ ba wel la nomanta, a ɡelɔ ba di bolchɔɡe kohona,

Ɛsekeɛl 21:29

Amɔn tena, he wepila haa dɛ naa, ne waa haa ŋɔa aa bao la bwa ɛ nyosone. He ɛ nɛnchɔɡa, he nyu bini kpeɡri. He tɔpere telo, he deŋnetɛra tɔpere la telo tonɛ.

Ɛsekeɛl 21:25

Kooro haa dɛ nyiŋi Israel nɛɛ dɛ ɛ nyubinikpeɡ te kohona, he tɔpere baa tɛr he deŋne la telo tonɛ.

Ɛsekeɛl 25:15

Nemenɛ Korowii ŋɔ, “Filisti tena aa ɛ Juda tena dɔma biɡri nomanta, ba dɔ liichɔɡa dɛ kpɔ nyubinikpeɡ ka tɔ ba wel Juda tena nɛ, dɛ chɔɡ ba.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Ɛsekeɛl 35:12

Anee hɛɛ ba jema kɛŋɔ men Korowii, n no nɛnhɛlwobol haa bola Israel bwejena waa ŋɔ a bwa chɔ pɛɛ ba kpɔ tɛ heyaa a ɛ he kwa.

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Yela 63:10

Baa kpo ba laa taa, ásɛ kalampoŋare di ba ola.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Ɛsekeɛl 36:5

Men Nemenɛ Korowii cheɡɛ n bandia kohona ta, dɛ bol waa yaɡɛ harɛre kabora la ne Edom harɛ bwa, dɛkalkɛ ba sie lɛo, dɛ che wedoŋa ta kpɔ n harɛ ɛ ba kon, dɛ kpɔ ba kondɛɛra dibɔra kɛŋɔ laa ta kwa.

Emɔs 1:6

Korowii berɔ ŋɔ, “Gasa tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta, dɛ ka yoɡ ba yoma tɛ Edom tena.