Ɛsekeɛl 35:3 - mzwDBL

³ Men Nemenɛ Korowii ŋɔ, ‘Edom bwejena, n ne he dɔɔ. Mɛɛ tɛr nɔnee pa he nɛɛ dɛ́ chɔɡ harɛ la, o ta do ɔma dɛ́ chɔ pɛɛ.

Ɛsekeɛl 35:3 ပူးပေါင်းရင်းမြစ်များ

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Jeremia 21:13

N ne Jerusalam tena dɔɔ, heyaa soɡe deŋɡarere dor, a do kɛŋɔ he soɡe bwetal harɛ waa chɔa kaa ta ken. He yon ŋɔ, “Umee dɛ́ won ba yo yaa ɔ? Umee dɛ́ won ba ku ya danjwɛkpeɡa dɛ́ jo ya be nɔ?”

Jeremia 49:13

N ŋwɛɛ n ɡbaɡba kɛŋɔ bwɛjen Bosra ɛɛ paɡroo dɛ́ berɛ dimɡbia, ásɛ dɛ berɛ kon nɛra aa na dɛɛ mamɛ, dɛɛ taahno ba bambile teŋe kohona. Bwɛɛre aa baro bwa ɡe ɛɛ chɔɡoo kwaraa saŋ bɛlbwa dɛɛ la. Men Korowiirii bola.”

Jeremia 49:17

Edom harɛ dɛ ba kon waa do ɔma bera, ásɛ nɛra baa teŋa baa kaa na, dɛ́ ɔmɛ ba nyoa kpo, o nɛra bola baa do ba wa.

Jeremia 51:25

Babelɔn, he do kɛŋɔ bwejen haa dɛ chɔɡ harɛ nɔ ta nɛra. Kɛ men Korowii ɛɛ dɔm, mɛɛ ɡeloo hé fuh dɛ́ berɛ tɔɔ ásɛ n taɡɛ ta harɛ.

Jeremia 6:12

Baa kpɔ ba deremii tɛ nɛra bane, dɛ́ kpɔ ba kooni ne ba haahna ja, ɡɛ saŋ maa tɛr nɛra baa lɔ harɛ la ta deŋne. Men Korowiirii bola.

Ɛsekeɛl 21:3

n ne ba dɔɔ. Mɛɛ pamɛ n keree le o tɔɔ ta, dɛ́ kpoo nɛra ba wa aa toɡra ne wechɔɡ-ɛɛra bwa.

Ɛsekeɛl 25:13

anomanta, men Nemenɛ Korowii ŋɔ, ‘Mɛɛ kpɔ nɔnee dawɛ Edom tena nɛɛ dɛ́ tɛr ba deŋne, ásɛ dɛ kpoo nɛra bwa ne ba kondɛɛra. Mɛɛ ɡeloo harɛ la chɔ pɛɛ le bwɛjen Teman dɛ́ ka le bwɛjen Dedan, ásɛ ba kpoo nɛra laa ta.

Ɛsekeɛl 29:10

N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 35:15

Edom tena, he sie aa lɛa ɡɛ saŋ Israel tena harɛ aa chɔ pɛɛ la, ɡɛ tentenee mɛɛ ba kpɔe ɛ heya, Sɛɛ Bwejen ne Edom harɛ bwa. Asɛ nomɛlbwa jemɛ kɛŋɔ menee Korowii.”

Ɛsekeɛl 35:7

Mɛɛ ɡeloo Edom harɛ deŋɡare chɔ pɛɛ, dɛ́ kpoo nɛra baa dɛ kpɔ o ta bwa.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Ɛsekeɛl 5:8

Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta.

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Neehum 2:13

Koranar Bwa Kooro ŋɔ, “N cheɡɛ he nɛ. Mɛɛ fuh torɔɡore haa vɔwa pɛl jaɡre laanee. Baa kpoo he laa tena laa taa, dɛ́ pa laala haa paa le bane be la. Baa he toroma taa no kpa bwa.”

Neehum 3:5

Koranar Bwa Kooro ŋɔ, “Niniwe, n cheɡɛ he nɛ. Mɛɛ laa he yalee kpɔ he mun ta, dɛ́ ɡel harɛre nɛra bwa nae, ásɛ sihiih kpoe ba siwi ta.

Malakae 1:3

dɛ hah Esɔ ne o naanar baa ɛ Edom tena. A habɔɔ Esɔ aa baa dɔ deŋɡarere harɛ ta so la, asɛ n chɔɡ bela bwa o berɛ kalampoŋare sobɔr.”