Ɛsekeɛl 34:23 - mzwDBL

²³ Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

Ɛsekeɛl 34:23 ပူးပေါင်းရင်းမြစ်များ

Jeremia 30:9

Baa tomɛ men Korowii baa dɛ tom mɛ laanee, ne Kooro Devid naa maa leo tɛɛ ba, wɛɛ di kora ba nɛɛ la.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Wejereme 12:11

Wejereme wobol do kɛŋɔ, daa peteɡre aa kpɔa dɛɛ teɡɛ peera ken. O wobosɛɡla ɡe do kɛŋɔ, baa lɔ dadowɛre do kon ta, a lawɔ kpoŋe. Korowiirii ɛ Peteɡre beŋkpoŋ waa lole dɛ tɛ ya bwa.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Aesaya 11:1

Kooro bɛl ɛɛ le Jese bie Devid luɡe taa dɛ́ ba, kɛŋɔ daa yon pamɛ le o muŋkpul ta, dɛ dɔ kpala dɛ nɔnɛ la.

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”

Yela 89:49

N Naa Korowii, he nyina o fa aa kana la sɛ? Nyoa he fa aa baɡɛ Devid la ɡe sɛ?

Jeremia 3:15

Mɛɛ kpɔ heyaa do sitɔɔla baa dɛɛ nyiŋi he nɛɛ nɔn taa, ásɛ ba kpɔ wejema ne waa mun noe nyiŋi he nɛ.

Jeremia 30:21

Ba ɡbaɡba binii ba sitɔɔ waa ɛ ba kooro ɛɛ ba lee. Mɛɛ lawɛ ɡɛ nɛn laanee ba n be ó bɛn mɛ. Umee dɛ́ won ba n be dɛ n laa ta nɔn yerɔ wɔ? Men Korowiirii bola.

Jeremia 33:14

Tɔpera ane dɛ ba ásɛ waa maa baɡɛ Israel ne Juda tena nyoa la ɛ ɡɛ.

Ɛsekeɛl 34:13

Mɛɛ lawaa le harɛre aa kaa a ta la taa, dɛ́ boa a nyoa. Mɛɛ le a ne harɛfala taa dɛ́ kpɔa ba a ɡbaɡba harɛ ta. Israel bwejena dor ne neerare nyoo aa sɔnaa dɛɛ ba a dibɔra ɛɛ.

Ɛsekeɛl 34:15

N ɡbabirii dɛ́ teɡɛ n peera dɛ nyin bodɛɛɡe tɛa a chɔ. Men Nemenɛ Korowiirii bola.

Ɛsekeɛl 37:22

Mɛɛ lɔ baa pɛ bá ɛ harɛ beŋkpoŋ nɛra, dɛ́ so Israel bwejena dor. Kooro beŋkpoŋ ɛɛ nyiŋi ba nɛ, ásɛ ba bini aa pere dɛ́ ɛ harɛ anɛ nɛra kpa.

Yela 78:71

dɛ ba o ne ŋɔ, ó ba tɔ o nɛra Israel tena baa ɛ o kapɛrɛ nɛra la sie, kɛŋɔ peteɡre.