Ɛsekeɛl 34:18 - mzwDBL

¹⁸ Kpɔɡdɛɛɡa haa dɛ chwea la aa heyaa tel aa? A chɛ kɛ he tiɡri a kar do harɛ naa? Nedɛɛɡa haa dɛ nyoa la aa he ne maɡre aa? A chɛ kɛ he porɛ a kar aa?

Ɛsekeɛl 34:18 ပူးပေါင်းရင်းမြစ်များ

Amanesoma Luk Aa Chwera Tɔn 11:52

Hé Tɔnjerema ɡe bwɛɛlɛ! He do kɛŋɔ nɛra baa laa dea Korowii wejema aa lɔ o bini karɛ, dɛ laa koŋkare la kpɔ haa wola o binii jo, he ɡe aa nɛra ŋwɛnɛɛ tɛ bá jo dɛ́ ka hweli.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Aesaya 7:13

Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

2 Samoɛl 7:19

Nemenɛ Korowii, he ta ɡelɛ a jaɡɛ bela dɛ ta teŋɛ ɛ ane dɛɛ ja, he berɔ bol he bonɔɔ naanar baa ka ba kerekere ɡe wa. Nemenɛ Korowii, waa haa ɡela a chɔ le tɛ nɛwɛnyini bɛlbwa laanee nɔ naa?

Nɛra Kura 16:13

Kpɔe haa kpɔ yaa le Ijipt harɛpare ondɛɛɡe ta, dɛ berɛ dɛɛ ba ba kpoo yaa ta pua hɛŋle ɡbo harɛ ta bonɔ ta maɡraa? Gɛɛ he berɛ dɛɛ nyin dɛ́ di kpeɡri ya nɛ aa?

Nɛra Kura 16:9

Korowii Israel tena aa dɛ tomɔ aa pere heyaa le he bala Israel tena bini, dɛ kpɔ heyaa bɛno ŋɔ hɛ́ɛ ɛ o Tɛnte Dea la toma, dɛ́ berɛ che Israel tena bwa sie, dɛ́ cha ba baa tomɛ Korowii ɡɛ aa chɛa la, a ɡbo ta maɡraa?

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Ɛsekeɛl 32:2

“Nɛwɛnyini bie, kpɔ wiile ŋɔ Ijipt kooro be ŋɔ, ‘He do kɛŋɔ nyujente harɛre ta nɛra baah ta, he do kɛŋɔ lɛŋɔ waa lɔ moo ta. He dɛ jo nenabɔɔne ta dɛ́ pora a chɔɡ.

Ɛsekeɛl 16:47

Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Ɛsekeɛl 16:20

He lawɛ he bibaala ne bihaahna haa lol ba tɛ mɛ la, dɛ kpoo ba ɛ saraha tɛ voɡa. He jwamane la ɡbo ta maɡraa?

Mumpar 30:15

Asɛ Lea ŋɔ, “Lɛɛ haa lɛ n jaa nɔ ɡbo ta maɡra aa, he berɔ dɛɛ nyin he lɛ n bie kwaa nɔ o be ja aa?” Anee Rakɛl ŋɔ, “Dɛ hɛɛ tɛ mɛ he bie kwaa nɔ anee yaa, mɛɛ sɛoh dɛ tɛ he ne Jekɔb kalaŋre jwaana nɔ ne.”

Sɛɡla 25:26

Dɛ nɛn o wa aa toɡra kpɔ o te tɛ wechɔɡ-ɛɛraa, a do kɛŋɔ haa kpɔ doŋa do nee waa pala baa kaa ta ken.

Ɛsekeɛl 34:19

N dɔ peera ane ɡe a do le. A chɛ kɛ a chwe kpɔɡa haa tiɡra do harɛ, dɛ́ nyɔ nee haa porɔ o bwa chɔɡ nɔ naa?

Aesaya 32:6

Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.