Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛsekeɛl 34:16 - mzwDBL

16 Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

အခန်းကိုကြည့်ပါ။ ကော်ပီ




Ɛsekeɛl 34:16
33 ပူးပေါင်းရင်းမြစ်များ  

Nɛra baa nyoɡra waa Men Nɛn Bie ba dɛ́ ba nyin ba bɔr dɛ́ lɛɛ ba.”


He ta anɔ la aa ɡwɛɡra nɛɛ nyiŋe, he ta a weela tena chaeh, kɛɛ dɛ jaɡre anɔ la baa doa bola ŋwɛra. He ta anɔ la aa yeŋa ne anɔ la aa nyoɡra ɡe bɔr nyine, dɛ ba a ne. Nyubinikpeɡ nee he nyiŋa.


Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”


Men Nemenɛ Korowii ɡbaɡba ɛɛ nyin n peera bɔree, ásɛ dɛ nyiŋi a nɛ.


Yeesu aa no ɡɛ waa nɔ la, o ŋɔ ba be ŋɔ, “Weela tenaa hiah tɛɛɡa te, bokpeɡa tena laa.” Dɛ ŋɔ, “Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”


Hɛɛ di laa tena olaa, dɛ́ nyɔ koranar baa lɔ harɛ nɔ ta chale kɛŋɔ pebala ne pebiiri, kɛɛ boohna ne nabala a bwa aa dɔ bo-ola kɛrɛdɛ dɛ le Basan harɛ ken.


Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.


Peera ɛɛ chwe kpɔɡa bwɛɛ la dimɡbia taa. Bela ɛɛ berɛ pebiiri dibɔree.


Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.


Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.


Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.


Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.


Anee Yeesu chaŋe ŋɔ, “Nɛra baa do kɛŋɔ peera aa nyoɡra dɛ le Israel tena bini la ɡbo waa ba tom mɛ ŋɔ ń ba ɡaaɡe ba bɔr.”


Korowii ŋɔ, “Babelɔn harɛ tena, he baa pa n nɛra laala laa ta kaa, asɛ he sie lɛ hɛɛ hɛɡre kɛŋɔ nao waa dɛ tiɡri mea, kɛɛ jaɡ-bala aa dɛ dooɡe lɔŋɔre ken.


Anomanta, Koranar Bwa Kooro bol keamere baa lɔ Jerusalam waa ŋɔ, “Mɛɛ do tɛɡchɔɡa kondikwaa taa bá di, dɛ́ do ane ɡe nee ta bá nyɔ, dɛkalkɛ ba ɡelɔ nɛra aa men tomɛ harɛ la ta bobɛlbwa.”


Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.


O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.


Bɔkwa waa he ta do he kpaŋa nɔ ta nɔɔ? Deŋnetɛra besoo he ta ɛɛ nyin jaɔ? He bwadabii bwa dɛ we heya, he sie ta harɛ chole.


Mɛɛ laɡ baa le weekaŋle nyunduabɔr, dɛ́ boa ba nyoa le harɛ jaɡa. Nyoŋa ne banɔ la ba peri aa serewa, hale tekpoŋra, dɛ banɔ la lol tea aa lɔ ba bwa, nɛnlaa tentenee dɛɛ ba bera ba.


N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.


dɛ́ lawɛ heyaa le harɛre haa peɡra dɛ ka so a ta la ta, dɛ́ berɛ ba he ne.


Saŋ bɛl dɛ ba ń tɛr nɛra baa dɛ do heyaa hɔhɔrɔwa la deŋne. Mɛɛ lɛ banɔ la ba peri aa serewaa, dɛ́ berɛ ba banɔ baa laɡ ba kaa harɛfala ta la ne dem. Mɛɛ ɡeloo banɔ la ba fa aa di sihiih la berɛ dɔ duure, ásɛ harɛ nɔ ta nɛra bwa kpɛɛ ba.


ásɛ dɛ bol he nɛra waa dɛɛ pa bole aŋwɛnɛ ta, dɛ́ nyiŋi he nɛra baa dɛ fiɡ ba la nɛɛ kasinteŋ ne.


Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.


Kpɔ pee ola la bela aa wera kɛrɛdɛ. Mar nii dɛ́ pa ola la do vii la bini, dɛ́ kpɔa chɔŋɛ nii ta.’


Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.


Koranar Bwa Kooro ŋɔ, “N baah di nɛra baa do kɛ peteɡra la nɛ. Mɛɛ tɛr sitɔɔla la deŋnee, dɛkalkɛ, mɛɛ nyiŋi Juda dea tena baa do kɛ n peera la nɛɛ, dɛ́ ɡel ba do kɛ jaaɡɔ waa kpeɡa laa ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ