Ɛsekeɛl 33:9 - mzwDBL

⁹ Dɛ he kaoh o ta a ta leɛ yaa, wɛɛ sewɛ o wechɔɡa la taa, kɛ he te ɛɛ dɔ he nyuu.”

Ɛsekeɛl 33:9 ပူးပေါင်းရင်းမြစ်များ

Ɛsekeɛl 3:19

Kɛ dɛ he kah wechɔɡ-ɛɛ la o ta o wechɔɡa ŋwɛnɛre la ta leɛ yaa, wɛɛ sewɛ o wechɔɡa taa. Ate, hɛɛ dɔ he nyuu.

We-ɛɛla 20:26

Mɛɛ di heyaa kasinteŋii fini. He bɛlbwa baa nyoɡre Korowii ŋwɛnɛ aa, n laa ɛ waane,

Ɛsekeɛl 3:21

Kɛ dɛ he kah nɛn o wa aa toɡra o no, o ta wechɔɡa ɛɛ yaa, wɛɛ dɔ o nyuu, ásɛ he ɡe dɔ he nyu.”

Sɛɡla 15:10

He laa sie kpɔ wedɛɛɡa ta naa, he dɛ dɔ deŋnetɛra kohona, he kii kɛ ba bol waa baɡle naa, sewee hɛɛ dɔ.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

We-ɛɛla 13:40

Anomanta, hɛ́ɛ do dɛɛɡɔ ásɛ waa Korowii keamere la aa bola la bɛ heyaa ɛ. Ba baɡlɔ ŋɔ,

Amanesoma Jɔn Aa Chwera Tɔn 8:24

A waa n ŋɔ he be ŋɔ, hɛɛ sewɛ he wechɔɡa taa la. Dɛ nomɛlbwa ta men yaradae kɛŋɔ Menee Men te naa, hɛɛ sewɛ he wechɔɡa taa.”

Amanesoma Luk Aa Chwera Tɔn 12:47

Bonɔɔ waa jemɛ ɡɛ o dɔɔ aa dɛ nyin, kɛ dɛ vɛh o te kpɔe dɛ ɛ ɡɛ tɛo la, o dɔɔ ɛɛ ɡeloo ba lɔɔro taeh.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”

Ɛsekeɛl 33:3

asɛ naate na laa tena bala aa, ó hoh bɛla dɛ́ ir harɛ la nɛra deŋne.

Ɛsekeɛl 33:4

Dɛ bɛlbwa no bɛla la sii o ta kpɔe ɛ wa, asɛ dɔma la ba kpoo waa, o seo ɡure o ɡbaɡba nyu ta.

Ɛsekeɛl 33:6

Dɛ nɛn waa dɛ daah harɛ la na dɔma bala o ta bɛla la hoɛh nɛra la jemɛ, asɛ dɔma la ba kpo ba bini bɛlbwa naa, naate baa kpoo la sewɛ o wechɔɡa wa, kɛ mɛɛ pɛɛ naate waa sewa la chal waa le nɛn waa dɛ daah bɔr la be.