Ɛsekeɛl 33:7 - mzwDBL

⁷ Nɛwɛnyini bie, henee n le ŋɔ hɛɛ daah Israel harɛ ta nɛra. No waa maa bola nɔ, dɛ́ kpɔ ja ba.

Ɛsekeɛl 33:7 ပူးပေါင်းရင်းမြစ်များ

1 Koranar 22:14

Anee Korowii keame Mikaya chaŋe ŋɔ, “N ŋwɛɛ Korowii waa lole kɛŋɔ, mɛɛ bol waa Korowii maa dɛ tomɔ aa ŋɔa ń bol o bee.”

2 Webena 19:10

He bini bɛlbwa le bwɛjena nɔ ta, dɛ ba waa aa ɛ nɛŋkpoa kɛɛ Korowii Mmara la bini bɛlbwa ne naa, hé kah ba ŋɔ ba bɛ wechɔɡa ɛ dɛ́ jo Korowii nɛ, ásɛ o bandia bɛ he nɛɛ ba. He ɛ ɡɛ naa, haa bolchɔɡee di.

Yelsom 3:3

Nɛra baa dɛ daah bwɛɛ la ɡaaɡɔ dɛ ba puu mɛ, asɛ n bɔɔ ba ŋɔ, “He na nɛn n bambile aa lawɔ mɛɛ nyinu kohona la aa?”

Yelsom 5:7

Nɛra baa dɛ daah bwɛjen la ɡaaɡɔ dɛ ba chem mɛ o bini. Ba lɔɔ mɛ, dɛ do mɛ bol, dɛ lɛ n yal kaa.

Aesaya 21:11

Waa aa chiɡ Edom harɛ ta Korowii bol baɡle Aesaya chaahna ta laanee nɔ. Nomɛl lɔ Edom dɛ pɛɛ ŋɔ, “Nɛn haa dɛ daah, aa biɡruu mɔɔ bɔr chaah naa?”

Aesaya 62:6

Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Jeremia 23:28

Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Jeremia 31:6

Tɔpere bɛl dɛ ba, ásɛ nɛra baa dɛ daah Efrem harɛ lɔŋɔre ɛɛ le deŋɡarere dor dɛɛ ŋɔ, ‘He ba ya kaa Saayɔn Bwejen waa lɔ Jerusalam la doa, Korowii yaa dɛ tomɔ la be.’ ”

Jeremia 6:27

Jeremia, n kpɔe ka do n nɛra bini ásɛ he nyiŋ ba, ɡɛ nɛn yon nyiŋi bune dɛ jemɛ a bini andɛɛɡa la.

Maeka 7:4

Ba bini nɛndɛɛɡe kwaraa do kɛŋɔ jabalnadaŋɛ. Onɔ la o wa aa toɡra ɡe do kɛŋɔ sɔɔh daa ken. Tɔpere telo kɛŋɔ Korowii tɛr ba deŋne ɡɛ waa cheɡɛ keamere baa dɛ daah ba nɛɛ kah ba la, ba wilo taraken kwara.

Habakuk 2:1

Mɛɛ iruu che n jɛŋla doa, dɛ́ nyiŋi dɛ́ no waa Korowii aa dɛ ba n be bola. Dɛ o chaŋ mɛ naa, ń na ɡɛ maa dɛ ba o be bola.

We-ɛɛla 20:20

N ta wobɛlbwa kpɔe sɔh heya. Wobɛlbwa aa le tɔnɔ tɛ heyaa la, n ta a ta tɔe. N baɡle nɛra Korowii Waa cheremibɔra, dɛ baɡle o waa he deremi.

We-ɛɛla 5:20

“Hé la ka che Korowii Dea la bini dɛ́ ka bol Yeesu ŋwɛnɛfale nɔ waa bwa nɛra be.”

1 Kɔrent 11:23

Ya Dɔɔ Yeesu baɡ mɛ waa nɔ n ɡe baɡle heyaa kɛŋɔ o fa ɛ waane jwaana baa leo tɛ la. O kpɔ paanoo,

1 Kɔrent 15:3

Gɛ Korowii aa baɡ mɛ laanee n baɡle heyaa la. O baɡle waane aa ɛ wejena kɛŋɔ ɡɛ Yeesu Kristo aa koh ya wechɔɡa waa dɛ sewɛ ɡɛ Korowii Tɔn aa baɡle o waa mɔɔ a ɛ la.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.