Ɛsekeɛl 33:30 - mzwDBL

³⁰ Kɛ hen Nɛwɛnyini bie, he nɛra la lawɛ dɔŋa pɛl bwɛjen la danjwɛɛ ne ba doonyoo dɛɛ bol he waa ŋɔ, ‘Hé ba yá ka no waa aa le Korowii be.’

Ɛsekeɛl 33:30 ပူးပေါင်းရင်းမြစ်များ

Matiu 15:8

‘Nɛra nɔ te, nyoa ɡbo nee baa duu mɛ, kɛ ba tea bini te ta toe.

Jeremia 23:35

A chɛ kɛ bá ɡarɛ bɔɔ ba daamanar ne lolanar ŋɔ, ‘Bɔkwa waa Korowii chaŋe ɔ? Bɔkwa waa o bol ɔ?’

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Jeremia 42:20

he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Ɛsekeɛl 20:3

“Nɛwɛnyini bie, ŋɔ Israel nomonome la be kɛŋɔ men Nemenɛ Korowii ŋɔ, ‘He balɔ dɛ́ ba bɔɔ dɛ́ na waa aa le n be kɛɛ? N ŋwɛɛrɔ kɛŋɔ maa lole saŋ bɛlbwa nɔ, maa ɡel he pɛɛ mɛ wobɛlbwa. Men Nemenɛ Korowiirii bola.’

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Ɛsekeɛl 33:29

N ɡelɔ harɛ la chɔ pɛɛ waa maa kia ba ɛ la wa aa, baa jemɔ kɛŋɔ menee Korowii.’