Ɛsekeɛl 33:25 - mzwDBL

²⁵ Anomanta, ŋɔ men Nemenɛ Korowii ŋɔ, ‘Haa dɛ di ola ne a chale, dɛ tomɛ voɡa dɛɛ kpoo dɔŋa nɔ, a chɛ kɛ he dɔ harɛ nɔ o ɛ he kon aa?

Ɛsekeɛl 33:25 ပူးပေါင်းရင်းမြစ်များ

Mmarare 12:16

He bɛ a chale te di, hé teŋni a baŋa ásɛ chal la fuɡe kɛŋɔ nee ken.

Mumpar 9:4

Kɛ he bɛ konlale di, dɛkalkɛ o sewɔ ta baŋa. Komɛlbwa mkpa lɔ o chal ta.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:6

Na ɡɛ Israel koranar aa cheɡɛ ba ɡbaɡba kpeɡri ta dɛɛ kpoo nɛra!

Ɛsekeɛl 18:6

waa kwaa Israel tena aa kpoora dɛɛ tɛ ba voɡa bwejena dor la di, waa ba voɡa ɡe tomɛ, kɛɛ waa o dɔŋ haah lawɛ dɛɛ chɔ, waa haah waa le dahara nyin,

Lewi Dea Tena 3:17

A ɛ Mmara dɛ́ chɔ le tɛ he ne he naanar baa ka ba bwa. Bobɛlbwa haa lole bwa, a ta chɛ kɛŋɔ hé di ol noo kɛɛ o chal.”

We-ɛɛla 21:25

Asɛ nɛra baa wola Juu tena ɛɛ dɛ yarada Yeesu waa la ɡe la, ya chwerɛ tɔn ka tɛɛ ba ŋɔ ba bɛ voɡ kwaa ne chal ne ol baa wola o baŋa teŋe o sewɛ la dɛɛ di, dɛ ŋɔ bá laa ba te dɛɛ kpɔ jwamane waa ta.”

We-ɛɛla 15:29

Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Ɛsekeɛl 18:15

Waa kwaa Israel tena aa dɛ kpoora dɛɛ tɛ ba voɡa bwejena dor la di, kɛɛ dɛɛ tomɛ voɡa. Waa o dɔŋ haah lawɛ dɛɛ chɔ,

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Yela 24:4

Nɛn o we-ɛɛla aa wera, o tea to waa wola voɡa tomɛ, kɛɛ dɛɛ ŋwɛɛ saɡasaɡa.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Lewi Dea Tena 19:26

He bɛ ol ne o chal di. Hɛ́ɛ berɛ he te kpɔe dɛ do voɡra kɛɛ sɔm we-ɛɛla soo siwi bɛlbwa ta.

Mmarare 12:23

Hé nyiŋi kɛrɛdɛ dɛ bɛ a chale la te di, dɛkalkɛŋɔ komɛlbwa chal ɛ o mkpa, a ta chɛ kɛŋɔ hé di chal la ja ol la ta.

Mmarare 15:23

He bɛ a chale la te daa dɛɛ di, hé fuɡa ta kɛŋɔ nee ken.”

Jeremia 7:21

N nɛra, he dɛ ba sarahare kwaa fuih yaa, he dɛ fuh ane bwa kon baa dɛ ɛ sarahare o ta, dɛɛ di ane ɡe, kɛ men Korowii dɛ bol he be ŋɔ, hɛɛ won dɛɛ di a bwa.

Lewi Dea Tena 7:20

Kɛ dɛ nɛn kah doŋa dɛ di deŋnesɔɔhna saraha baa ɛa tɛ men Korowii nɔ naa, ba bɛ on kure ja o nɛra nɛɛ kpa.

Lewi Dea Tena 7:21

Nomɛlbwa berɔ leɡe doŋa kon bɛlbwa, dɛ nɛwɛnyini be pera doŋa bɛlbwaa kɛɛ ola aa wola were ne dii kɛɛ anɔ la baa kia dɛ ba di n deŋnesɔɔhna saraha ol la bɛl la, ba bɛ on kure ja o nɛra nɛɛ kpa.”

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Ɛsekeɛl 22:3

Ŋɔ ba be ŋɔ, nɛra baa kpoora dɛ teŋɛ voɡa ta, dɛ kpɔ doŋa kah ba te nomanta, ba deŋnetɛra tɔpere dɛ ba.

Ɛsekeɛl 36:18

Anomanta, n kpɔ n bandia kohona ta ba nɛ, nɛra baa kpoora harɛ la ta, dɛ tomɛ voɡa, dɛ kpɔ doŋa kah harɛ la wa.