Ɛsekeɛl 32:30 - mzwDBL

³⁰ Koranar baa le weekaŋle nyunduabɔr, ne Sidon tena bwa chɔ bela. Kɛ ba kpoo ba ba di sihiih, ba kpeɡri ba fa aa dɔa dɛ kpɔ ɔmee kohona ta nɛra nɛɛ la habɔɔ. Ba chɔ nɛra ba fa aa wola men tomɛ la baah ta lalabwɛ.

Ɛsekeɛl 32:30 ပူးပေါင်းရင်းမြစ်များ

Jeremia 1:15

N dɛ ba nɛra baa lɔ weekaŋle nyunduabɔr harɛre ta bwa yera cheme. Ba koranar ɛɛ bao ba cheɡ ba kookane Jerusalam doonyojena ta, dɛ́ ba yoo ba, dɛ́ kuuɡi o danjwɛjena aa baro, dɛ Juda bwɛɛre bwa ɡe.

Jeremia 25:22

ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa,

Jeremia 25:26

dɛ weekaŋle nyunduabɔr koranar baa lɔ bojaŋa ne ambori bwa ta, ásɛ harɛre nɛra bwa teŋɛ dɔŋa nɛɛ dɛɛ nyɔ. Ba bwa habɔɔ la, mɔɔ Babelɔn kooro ɡe ba nyɔ danana nee la.

Ɛsekeɛl 26:20

Mɛɛ kpɔ bwɛjen Taayaa ka ja lala bini, o ka pu saŋ la tena baa serewa la. Mɛɛ ɡeloo o ka so bela kɛŋɔ bwɛɛre a fa aa paɡra la, o ne nɛra baa serewa biɡri la so. Waa won ba harɛ nɔ ta weera bini kpa.

Ɛsekeɛl 28:10

Hɛɛ sewɔɔ kɛŋɔ nyoate ken, nɛŋhɔɔhra baa wola men tomɛ nɔɔra taa hɛɛ ba sewa. Men Nemenɛ Korowiirii bola.’ ”

Ɛsekeɛl 28:21

“Nɛwɛnyini bie, eɡle sie ta bwɛjen Sidon dɛ́ bol waa aa dɛ ba o ta bala, ŋɔ

Ɛsekeɛl 28:23

Mɛɛ kpɔ weechɔɡaa ba ta he nɛɛ dɛ́ ɡel chal ɛɛ palɛ he fɔɡbaahna. Nɛra ɛɛ serewoo chɔ bobɛlbwa, keri nee baa ba ba kpoora, ásɛ he jemɛ kɛŋɔ menee Korowii.

Ɛsekeɛl 38:15

Hɛɛ le bojaŋ le weekaŋle nyunduabɔree, dɛ́ tɔ harɛre laa tena baa wara dɛ so jaɡre ta sie dɛ́ ba. Ba ɛ laa tena baa wara dɛ do kpeɡri kohona.

Ɛsekeɛl 38:6

Laa tena bwa baa le Goma, ne Bɛt Toɡama waa lɔ weekaŋle nyunduabɔr bwa baa ja o nɛ, ɡɛɛ harɛre kɛrɛdɛ bwa laa tena ɡe ba ja.

Ɛsekeɛl 39:2

‘Mɛɛ sɔɔh he nyoa dɛ́ tuuɡi harɛ le he ne bojaŋ weekaŋle nyunduabɔr le, dɛ́ kpɔe ka ta Israel bwejena la dor.