Ɛsekeɛl 32:26 - mzwDBL

²⁶ Mɛsɛk ne Tubal bwa lɔ bela, ba laa tena ŋwama bar ba cheme. Ba bwa fa aa men Korowii tomɛ, asɛ ba kpoo ba laa ta. Ba fa aa soɡe le la, ba kpɔ ɔmee kohona ta nɛra nɛ.

Ɛsekeɛl 32:26 ပူးပေါင်းရင်းမြစ်များ

Mumpar 10:12

ne Resen waa chɔ Niniwe ne Kala baah ta la. Onee ɛ bwɛjen kohona la.

Mumpar 10:2

Jafɛt bibaala waa lol ba laanee, Goma ne Maɡɔɡ ne Madai ne Javan ne Tubal ne Mɛsɛk dɛ Tiras.

1 Webena 1:5

Jafɛt bii waa lol ba laanee teŋa nɔ, Goma ne Maɡɔɡ ne Madai ne Javan ne Tubal ne Mɛsɛk dɛ Tiras. Ba sɔna nɔɔ ba kpɔ pa ba naanar.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Ɛsekeɛl 27:13

Bonadiire baa le Tubal ne Mɛsɛk dɛ Grik tena harɛre, kpɔ kwaa baa kpɔ ayaawa ɛa ne yoma ba charɛ he laala.

Ɛsekeɛl 32:27

Ba ta ba te nomonhuɡa huɡe ɡɛ ba yon dɛɛ huɡe saŋ la banyoola dɛ kpɔ ba nyuune dɛɛ dawɛ ba keri ta lalabwɛ, dɛ kpɔ ba dɔmkwaa dɛɛ dawɛ ba nɛɛ la. Banyoola nɔ fa aa soɡe le dɛ do kpeɡri la, ba kpɔ ɔmee kohona ta nɛra nɛ.

Ɛsekeɛl 32:32

N ɡelɔ Ijipt kooro kpɔ ɔmee ta nɛra nɛɛ harɛ nɔ ta te, kɛ mɛɛ ɡeloo ba kpo o ne o laa tena damanta bwa ba ka chɔ nɛra baa wola men tomɛ ba kpoo ba laa ta la baah ta. Men Nemenɛ Korowiirii bola.”

Ɛsekeɛl 39:1

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba koonomoa Gɔɡ waa ɛ koonomoa dɛɛ nyiŋi Mɛsɛk ne Tubal be ŋɔ, n ne o dɔɔ. Kenii men Nemenɛ Korowii bol,