Ɛsekeɛl 32:25 - mzwDBL

²⁵ Elam harɛ ta nɛra ja nɛra baa kpoo ba laa ta la nɛ, o laa tena ŋwama baro cheme. Ba bwa ɛ nɛra baa wola men Korowii tomɛ, ba kpoo ba laa ta. Ba fa aa soɡe le la, ba kpɔ ɔmee ta nɛra nɛ. Ba serewɔ, ba ne banɔ la baa kpoo ba laa ta la di sihiih.

Ɛsekeɛl 32:25 ပူးပေါင်းရင်းမြစ်များ

Yela 139:8

N la nyundua aa, he lɔ bela, n kaa chɔ lalabwɛɛ kwaraa naa, he lɔ bela.

Wepila 2:22

Hɛ́ɛ no! Mɛɛ do o ne nɛra o ne baa dɛ bɔ jwamane la weelaa bá chɔ, a noo ba kɛrɛdɛ. Dɛ ba ta ɡelɛ dɛ charɛ ba liire le ba wechɔɡa ta, dɛ ɡel ba tonchɔɡa la aa, ba bwa ɛɛ na wahalaa.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Ɛsekeɛl 44:9

Anomanta, men Nemenɛ Korowii ŋɔ nɛŋhɔɔhra baa wola ba pena teŋe, baa wola men duu, ta chɛ kɛŋɔ bá jo n Dea la bini, hale nɛŋhɔɔhra baa soɡe he Israel tena bini.’ ”

Ɛsekeɛl 44:7

A bwa habɔɔ, he ɡelɔ nɛŋhɔɔhra baa wola ba pena teŋe, baa wola men duu, ba jo n Dea la ta, dɛ kpɔ doŋa kaoh, ɡɛ saŋ haa kpɔ kondikwaa ne ola noorare, dɛ a chale ba ɛ saraha dɛɛ tɛ mɛ. A cheɡɛ a ta he chɔɡ n ne he fɔo la.

Ɛsekeɛl 32:21

Banyoola tenten ne nɛra baa yoa tɛ Ijipt tena dɛ serewe la ɛɛ ŋɔ Ijipt tena baa serewa kaa lalabwɛɛ la bee, dɛ kpɔ takpeɡ ŋɔ, ‘Nɛra baa wola men Korowii tomɛ dɛ serewe la ba bonɔ ba chɔ.’

Ɛsekeɛl 32:19

Bɔɔ ba ŋɔ, ‘He dɛ lii kɛŋɔ he wer kohona ɡwaa nɛra bwa kɛɛ? Hɛɛ kaa lalabwɛɛ, dɛ́ ka ja nɛra baa wola men Korowii tomɛ dɛ serewe kaa la nɛ.’

1 Webena 10:4

Asɛ Kooro Sɔɔl ŋɔ o bonɔɔ waa dɛ che o dɔmkwaa la be ŋɔ, “Pamɛ he kere la dɛ́ ba tɔɡ mɛ kpo, ásɛ nɛra baa wola Korowii tomɛ nɔ, bɛ men ba kpo dɛ́ chɛɡ mɛ ja.” Kɛ dɛ bonɔɔ la dɛ ɔmɛ kɛ ó ɛ ɡɛ, anomanta, Kooro Sɔɔl pamɛ o ɡbaɡba kere dɛ chole o ta.

2 Samoɛl 1:20

He bɛ an bol bwɛjena Gat tena be, kɛɛ Askɛlɔn fɔɡbaahna. He bɛ ɡel Filisti haahna no ba sie lɛ, á ba ɛ kɛŋɔ nɛra baa wola Korowii tomɛ bihaahna sie ɛɛ lɛo.

Ɛsekeɛl 32:24

Elam harɛ ta nɛra chɔ bela, o laa tena baa kpoo ba laa ta la ŋwama chɔ baro. Banɔ la ba fa aa kpɔ ɔmee kohona ta harɛre nɛra nɛɛ ba ta men Korowii tomɛ dɛ sewɛ kaa lalabwɛɛ la. Ba ne banɔ la baa chɔ harɛ bini la di sihiih.