Ɛsekeɛl 32:18 - mzwDBL

¹⁸ “Nɛwɛnyini bie, wi tɛ Ijipt harɛ ta nɛndamanta bwa, kpɔ ba ka ja harɛre nɛra baa kpeɡa dɛ serewe kaa lalabwɛɛ la nɛ.

Ɛsekeɛl 32:18 ပူးပေါင်းရင်းမြစ်များ

Yela 30:9

“Dɛ n sewɔ ba huɡ mɛ naa, tɔnɔ besoo aa ba lee dɛ́ tɛɛ nɔ? Nɛn sewaa, wɛɛ won kpɛɛre ja aa? Wɛɛ won bol he wedɛɛɡa, aa wola jaɡa dɔe la waa ja aa?

Yela 63:9

Nɛra baa dɛ nyin n kpoe, ɛɛ serewoo kaa lalabwɛ.

Aesaya 14:15

Kɛ ane a bwa, Korowii ba he ne harɛ, dɛ kpɔe kaa lala huɡribɔr bɔɔ bini.

Aesaya 16:9

N dɛ wi dɛɛ tɛ daa kooni aa lɔ Sibma, ɡɛ baa dɛ wi a waa Jasa la. Hɛsbɔn tena ne Eleale tena, sinii dɛ yɔɔ mɛ he wa. Moola fe dɛ le daa nɔna chaara saŋ nɔ, kɛ nɔna toole a ta, bɔr helɔ.

Jeremia 1:10

Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

Ɛsekeɛl 26:20

Mɛɛ kpɔ bwɛjen Taayaa ka ja lala bini, o ka pu saŋ la tena baa serewa la. Mɛɛ ɡeloo o ka so bela kɛŋɔ bwɛɛre a fa aa paɡra la, o ne nɛra baa serewa biɡri la so. Waa won ba harɛ nɔ ta weera bini kpa.

Ɛsekeɛl 31:14

Anomanta, le fini dɛɛ kaa, daa waa cheɡɛ bela nee aa lole kohona bɛlbwa aa kpeɡ dɛ́ ka tel baama ta kpa. A chɔ le kɛŋɔ a bwa serewe kɛŋɔ nɛwɛnyina, dɛ kaa lalabwɛ.’ ”

Ɛsekeɛl 31:16

Maa teŋo ta o sewɛ kaa lalabwɛɛ la, n ɡelɔ ɔmee chole harɛre nɛra nɛ, o sii waa sia la wa. Daa aa lɔ Eden bodɛɛɡe, ne dadɛɛɡa aa wera, dɛ do bela nee aa lole kohona Lɛbanɔn harɛ ta, dɛ sewɛ kaa la, o seo la tɛa bolarawa.

Ɛsekeɛl 32:12

Mɛɛ ɡeloo harɛre a laa tena nyu bini aa kpeɡa ɡwaa harɛre bwa kpɔ ba keri ba kpoo he nɛra bwa. Baa chɔɡ he nɛndamanta ne he kondɔɔh haa dɛ ɛ mbarafo a waa la bwaa.

Ɛsekeɛl 32:16

A ɡɛ waa nɔɔ baa ba kpɔe dɛɛ wiu. Harɛre ta haahna bwaa dɛ́ taa ɡɛ wiile la tɛ Ijipt harɛ ne o nɛra bwa. Men Nemenɛ Korowiirii bola.”

Ɛsekeɛl 32:2

“Nɛwɛnyini bie, kpɔ wiile ŋɔ Ijipt kooro be ŋɔ, ‘He do kɛŋɔ nyujente harɛre ta nɛra baah ta, he do kɛŋɔ lɛŋɔ waa lɔ moo ta. He dɛ jo nenabɔɔne ta dɛ́ pora a chɔɡ.

Ɛsekeɛl 32:21

Banyoola tenten ne nɛra baa yoa tɛ Ijipt tena dɛ serewe la ɛɛ ŋɔ Ijipt tena baa serewa kaa lalabwɛɛ la bee, dɛ kpɔ takpeɡ ŋɔ, ‘Nɛra baa wola men Korowii tomɛ dɛ serewe la ba bonɔ ba chɔ.’

Ɛsekeɛl 43:3

Wepila la do kɛŋɔ anɔ la Korowii aa baa chɔɡ bwɛjen Jerusalam, ne Keba Moo nyoa kwaa maa naa la, asɛ n ba harɛ dɛ kpɔ sie pi harɛ.

Hosia 6:5

A waa n tomɛ n keamere he be, waa bola dɛ́ pa bole ne he kpoora wa. N waa bola dɛ́ pa bole do kɛŋɔ bwaala aa nyɛɡla ken he nɛ.

Maeka 1:8

Men Maeka ŋɔ, “Anɔ nomanta mɛɛ wiu dɛɛ dooɡe lɔŋɔre, á baɡle kɛ n dɛ di suna. Mɛɛ valɛ nakpapɛɛ ne mumɡbalee, dɛ́ si kɛŋɔ kalampoŋa, dɛɛ si kɛŋɔ kwiu ken.

Matiu 11:23

Ásɛ he Kapeeneɔm tena ɡe, he fe dɛ nyin kɛ he ɡbaɡba ir kaa Korowii doa kɛɛ? Baa viɡri heyaa Bɔnsam nii taa. Nyokpowaa nɔ maa ɛa he bini nɔ, dɛ ba fe ɛa Sodom aa, Sodom fe ta lole ba le fini, Korowii fe ta on chɔɡɛ.

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.