Ɛsekeɛl 32:11 - mzwDBL

¹¹ Anomanta, Nemenɛ Korowii ŋɔ Ijipt kooro be ŋɔ, “Babelɔn kooro ɛɛ kpɔ o keree dɛ́ ba yoi.

Ɛsekeɛl 32:11 ပူးပေါင်းရင်းမြစ်များ

Jeremia 43:10

Ásɛ dɛ berɛ ŋɔ ba be ŋɔ men Koranar Bwa Kooro, Israel tena aa dɛ tom mɛ ŋɔ, ‘Mɛɛ kpɔ n bonɔɔ Kooro Nebukadnesa waa ɛ Babelɔn kooroo ba bonɔ, dɛ́ ɡel ó kpɔ o kookara ba cheɡ bwekuŋe haa huɡa nɔ ta. Wɛɛ baŋre o tɛnte deaa ó do kɛŋɔ koodem.

Jeremia 46:13

Babelɔn Kooro Nebukadnesa aa baa yo Ijipt harɛ tena la, Korowii bol waa men Jeremia be ŋɔ,

Ɛsekeɛl 26:7

Nemenɛ Korowii ŋɔ, “Mɛɛ ɡeloo Babelɔn Kooro Nebukadnesa waa ɛ koranar bwa koojen bá yo Taaya tena. O ne o laa tena ɛɛ warɔɔ le weekaŋle nyunduabɔr, bane valɛ, bane so jaɡre ne kwaa aa do kɛ torɔɡore baa vɔwa pɛl jaɡre ta, dɛ́ ba yoo ba.

Ɛsekeɛl 29:19

Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr.

Ɛsekeɛl 30:4

Laa tena dɛ ba ba yo Ijipt tena, Itiopia tena loo ɛɛ kuu. Baa ba kpoo Ijipt tena la, baa pa ba kondɔɔh kaa, dɛ́ chɔɡ harɛ la ó berɛ dimɡbia.

Ɛsekeɛl 31:11

Anomanta, n kpɔɔ do harɛre nɛra baa ɛ hɔɔhra la kooro nɔn ta, ásɛ o ɛo ɡɛ aa chɛa o nyubinikpeɡ la wa. N vɛoh.