Ɛsekeɛl 31:9 - mzwDBL

⁹ Menee ɡela o do wer, dɛ ta kpala kohona. Men Korowii daa maa dua Eden bodɛɛɡe bela fe dɛ nyin a do kɛ on.

Ɛsekeɛl 31:9 ပူးပေါင်းရင်းမြစ်များ

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Mumpar 26:14

O dɔ kondɛɛra ne bonɔɔna kohona, asɛ Filisti tena la sie beɡre o nɛ.

Mumpar 37:11

Ate, o dɔɔranar la bwaawee ir o nɛɛ kɛrɛdɛ, kɛ o mɛɛ te kpɔ waa la do o nyu bini.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Ɛsekeɛl 16:14

He wer kohona la nomanta, he lɛ sɔn harɛre bwa ta, dɛkalkɛ menee ɡela he do wer ka tonɛ. Men Nemenɛ Korowiirii bola.

Ɛsekeɛl 17:22

Nemenɛ Korowii berɔ ŋɔ, “N ɡbabir ɛɛ ku peleme daa la kpale waa kaa nyunduaa ásɛ dɛ ka chɔɔro. O kpale waa pama dɛ do o nyundujaɡlaa mɛɛ ba kui ka chɔɔ bwejen doa.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Ɛsekeɛl 31:16

Maa teŋo ta o sewɛ kaa lalabwɛɛ la, n ɡelɔ ɔmee chole harɛre nɛra nɛ, o sii waa sia la wa. Daa aa lɔ Eden bodɛɛɡe, ne dadɛɛɡa aa wera, dɛ do bela nee aa lole kohona Lɛbanɔn harɛ ta, dɛ sewɛ kaa la, o seo la tɛa bolarawa.

Ɛsekeɛl 31:18

A ɡɛ daa laanee Ijipt kooro ne o nɛndamanta la. Daa aa lɔ Eden bodɛɛɡe la bini ume kan ne o wer ne onee ɛ kɛrɛdɛ ɔ? Baa teŋe o ne Eden daa la bwaa ta, o kaa harɛ bini. Taraken, wɛɛ ka ja nɛra baa wola men tomɛ ne banɔ la baa kpoo ba laa ta la nɛɛ. Men Nemenɛ Korowiirii bola.”

Ɛsekeɛl 36:35

Baa ŋɔɔ, ‘Harɛ waa chɔ pɛɛ laanee bera do kɛŋɔ Korowii Eden bodɛɛɡe la, bwɛjena a fa aa paɡra, dɛ chɔ pɛɛ laanee ba berɛ kwaa ma danjwɛɛre bara nɛra so a ta la.’

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Sekaria 11:2

Dadɛɛɡa, hé wi, dɛkalkɛ peleme cholo, dajena kwaraa bwa chɔɡɔ. Basan harɛ dajena, hé wi, ba teŋni kɔr la daa aa farɛ o bini bwa.

1 Samoɛl 18:15

Kooro Sɔɔl aa naa kɛŋɔ o wobɛlbwa wer dɛɛ tɛo la, dɛ o dɛ ɔmɔ kɛrɛdɛ.