Ɛsekeɛl 31:3 - mzwDBL

³ He do kɛŋɔ peleme daa waa lɔ Lɛbanɔn harɛ ta, o kpala ne papooni do wer dɛ tɔ kɔr. O pamɔ kaa nyundua dɛ do jaŋne dɛ kaa baama ta.

Ɛsekeɛl 31:3 ပူးပေါင်းရင်းမြစ်များ

Yela 92:12

Nɛra ba wa aa toɡra ɛɛ dɛɡoo kɛŋɔ kpor daa ken, baa kpeɡuu kɛŋɔ Lɛbanɔn peleme dajena.

Aesaya 37:24

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

Jeremia 17:8

Naate ɛɛ doo kɛŋɔ daa baa duu nee nyoa, o dɛ ta lune kaa nee la ta. Hwel cheɡɔ waa, aa on wobɛlbwa ɛ, dɛ o te ta dɔ papooni. Bwaala ta nɛɛ benanyobir kwaraa naa, dɛ o ta won nɔna.

Jeremia 50:18

Anomanta, Koranar Bwa Kooro, Israel tena aa dɛ tomɔ la ŋɔ, “Mɛɛ tɛr Babelɔn kooro deŋnee, dɛ́ chɔɡ o harɛ ɡe, ɡɛ maa tɛr Asiiria koojen deŋne la.

Ɛsekeɛl 17:22

Nemenɛ Korowii berɔ ŋɔ, “N ɡbabir ɛɛ ku peleme daa la kpale waa kaa nyunduaa ásɛ dɛ ka chɔɔro. O kpale waa pama dɛ do o nyundujaɡlaa mɛɛ ba kui ka chɔɔ bwejen doa.

Ɛsekeɛl 19:11

O kpala kpeɡri dɛ do wer kɛ bá kpɔ ɛ kooro daŋɡbala. O kpeɡo tɛr kaa nyundua baama bini, nɛra na ɡɛ waa kpeɡa dɛ dɔ papooni kohona.

Ɛsekeɛl 31:10

Name kenii men Nemenɛ Korowii ɛɛ bol waa aa dɛ ba daa waa kpeɡa kaa baama ta la pui. Waa do jaŋne kohona nomanta, o mbarafo.

Ɛsekeɛl 31:16

Maa teŋo ta o sewɛ kaa lalabwɛɛ la, n ɡelɔ ɔmee chole harɛre nɛra nɛ, o sii waa sia la wa. Daa aa lɔ Eden bodɛɛɡe, ne dadɛɛɡa aa wera, dɛ do bela nee aa lole kohona Lɛbanɔn harɛ ta, dɛ sewɛ kaa la, o seo la tɛa bolarawa.

Ɛsekeɛl 31:17

Banɔ la baa soɡe o chunchule ta, dɛ ɛ o chamene tena baa lɔ harɛre ta ne o kaa lalabwɛ, dɛ ka ja nɛra baa kpoo ba keri ne la nɛ.

Ɛsekeɛl 31:5

Gɛɛ a do o kpeɡ kaa nyundua kohona ɡwaa daa aa cheɡɛ kpɔɡ bini bwa. Nee aa lɔ bela kohona nomanta, o kpala la tɛrɔ dɛ do kan kaa nyundua.

Ɛsekeɛl 31:6

Jumbii bwa baa sɔh a kɔne o ta, asɛ kpɔɡ bini ola bwa ɡe ba chɔ o lɔɡa dɛ loɡle. Harɛre bwa nɛra baa so o chunchule ta.

Ɛsekeɛl 31:8

Haa won kpɔ peleme daa aa lɔ Eden bodɛɛɡe bela men Korowii aa du daa la maɡɔ. Haa won kpɔ dakpeɡ bɛlbwa soo siwi kpala maɡɛ peleme daa la kpala. Daa aa lɔ Eden bodɛɛɡe bela bɛlbwa toole dɛ do wer kɛ on.

Ɛsekeɛl 32:22

Asiiria ne o laa tena ŋwama lɔ bela. Laa taa ba kpoo ba bwa.

Daneɛl 4:10

Wepila ane maa chɔa dɛ na laanee nɔ. N na daa bɛl, asɛ o che harɛ bɛl baah ta. Dɛ o kpeɡo kɛrɛdɛ.

Daneɛl 4:12

O papooni wer, o nɔna warɛ harɛ nɔ ta nɛra bwa dɔ dɛɛ di. O chunchule taa kpɔɡ bini ola ɛɛ chɔ, jumbii ɛɛ sɔh a kɔne o kpala ta. Belaa kontaale bɛlbwa dɔ kwaa dɛɛ di.

Daneɛl 4:7

Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun.

Sefania 2:13

Korowii ɛɛ che o kpeɡri taa, dɛ́ chɔɡ Asiiria harɛ, ásɛ o bwɛjen Niniwe chɔ pɛɛ, dɛ́ berɛ pua hɛŋle ɡbo harɛ, nee aa wola o taa do.

Sekaria 11:1

Lɛbanɔn harɛ, pili he ɡbeni ásɛ nii ba fuh he peleme daa bwa dɛ́ chɔɡa.

Sekaria 11:2

Dadɛɛɡa, hé wi, dɛkalkɛ peleme cholo, dajena kwaraa bwa chɔɡɔ. Basan harɛ dajena, hé wi, ba teŋni kɔr la daa aa farɛ o bini bwa.

Sitɔɔla 9:15

Asɛ o ŋɔ, ‘He dɛ nyin kɛ he cheɡ mɛ kooro aa, hé ba sɔh n chunchule ta. Dɛ ɡɛ laa tenaa, mɛɛ ɡeloo nii le dɛ́ ba fuh peleme daa aa lɔ Lɛbanɔn harɛ ta.’ ”