Ɛsekeɛl 30:9 - mzwDBL

⁹ Awola tɔpere, mɛɛ tomɛ toromaa bá kpɔ stiimaere ba, dɛ́ ba aah Itiopia tena, dɛ́ le ba ne ba bosɔɔhna ta. Lokua ɛɛ chole ba nɛɛ awola Ijipt aa chɔɡ la. Tɔpere la ɛɛ bao kpela.”

Ɛsekeɛl 30:9 ပူးပေါင်းရင်းမြစ်များ

Aesaya 19:17

Juda harɛ sɔn ɛɛ ɡeloo ɔmee kohona lawɛ Ijipt tena. Nomɛlbwa yerɛ Juda harɛ sɔn aa, Ijipt tena bwara ɛɛ yɔroo, kpaŋra Koranar Bwa Kooro aa kpaŋre ba waa bil nomanta.

Aesaya 20:3

Ate, Korowii ŋɔ, “Gɛ n bonɔɔ Aesaya aa dɛ valɛ dakpaŋ ne nakpapɛɛ bene atoro nɔ, a ɛ we-ɛɛla dɛ baɡle waa aa dɛ ba Ijipt harɛ ne Itiopia harɛ chiɡa.

Aesaya 20:5

Nɛra baa dɔ Itiopia hwɛɡa, dɛɛ tamane Ijipt nɛɛ la ɛɛ ɔmɔɔ sihiih kpo ba.

Aesaya 23:5

Dɛ Ijipt tena noɔ kɛŋɔ bwɛjen Taaya paɡraa, ba bwara ɛɛ yɔroo ba wi tɛɛ ba.

Aesaya 47:8

No, he dɛ di he bwara, dɛɛ lii kɛŋɔ wobɛlbwa toole dɛ́ won ɛɛ. He ŋɔ he ne Korowii kɛrɛdɛ, dɛ ŋɔ, nomɛlbwa toole he habɔɔ. He ta liire kɛŋɔ hɛɛ ɛ luhaahnee bwa, haa biseo ɡee di.

Jeremia 49:21

Edom harɛ baa paɡre tonaa, harɛ ɛɛ jiɡruu ásɛ harɛre nɛra ɛɛ no Edom tena lɔŋɔre, hale dɛ ka le Mposwɛm ta.

Jeremia 49:31

Hé ir ka yo harɛ o nɛra aa dɛ lii kɛ ba soɡe bosɔɔhna ta la. Ba bwɛjen ta doonyojena kɛɛ bune baa kpɔa dɛɛ kara dɔe, komɛlbwa toole dɛɛ tɔ ba ɡbemɡbe.

Ɛsekeɛl 24:14

Men Nemenɛ Korowii bola. Saŋ telo kɛŋɔ ń ɛ waa maa ɛ name. Maa sie laa kpɔ he wechɔɡa ta, maa he sum ɡee na. Hɛɛ dɔ deŋnetɛraa, waa haa ɛa la wa. Men Nemenɛ Korowiirii bola.’ ”

Ɛsekeɛl 26:16

Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Ɛsekeɛl 27:35

Nomɛlbwa waa soɡe mpo nyoa bwara yɔr he wa. Hale ɔmee chole ba koranar nɛɛ kohona. Ba siebɔra nya bena.

Ɛsekeɛl 33:33

He waa nɔ bwa ɛɛ ɛo, aa bao kpela ɡe. Ásɛ ba jemɛ kɛŋɔ Korowii keame bɛl fa lɔ ba bini.”

Ɛsekeɛl 38:11

Hɛɛ ŋɔɔ hɛɛ ka yo Israel harɛ ta bwɛɛre baa dɛ lii kɛŋɔ ba soɡe deŋnesɔɔhna ta, baa wola danjwɛjena mae bara, a ba ɛ kɛ aa dɔ doonyoo ba kpɔ bune dɛɛ kaɡra laanee.

Ɛsekeɛl 39:6

Mɛɛ kpɔ niinii ba fuh Maɡɔɡ harɛ ne nɛra baa soɡe deŋnesɔɔhna ta mpo nyoo, ásɛ ba jemɛ kɛŋɔ menee Korowii.

Emɔs 4:2

Nemenɛ Korowii waa do ɡoroŋ ŋwɛɛrɔ ŋɔ, “Tɔpera ane ɛɛ bao ásɛ ba lawɛ heyaa ɡoŋri ne kaa. Baa tɛɡre bɛlbwaa kaa kɛŋɔ pɛŋe ken.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Sefania 2:12

Korowii ŋɔ wɛɛ kpoo Itiopia tena ɡe bwaa.

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.