Ɛsekeɛl 30:5 - mzwDBL

⁵ Baa kpoo Itiopia ne Lidia ne Arab, dɛ Lebya harɛre laa tena baa kaa kpɔ ba, ba ba cha ba la bwa laa taa, dɛ́ kpoo n nɛra la bini bane ɡe.’ ”

Ɛsekeɛl 30:5 ပူးပေါင်းရင်းမြစ်များ

2 Webena 12:3

O kpɔ kwaa aa do kɛ torɔɡore kaɡboŋ lafraanɛ, ne nɛra baa soɡe jaɡre ta kaɡboŋa fifraanumɛl, dɛ laa tena baa wola won kur ba, le Lebya ne Itiopia ne Suk tena ja o nɛɛ le Ijipt harɛ.

Aesaya 18:1

Nɛra baa lɔ Itiopia harɛ neerare baŋ le tontombɛ aa su o ta la, bá bwɛɛlɛ.

Aesaya 20:4

Gɛ tentenee Asiiria koojen ɛɛ ba Ijipt ne Itiopia tena waa kaa yoo ba, dɛ laɡ ba la ɛɛ ba bá valɛ dakpaŋ ne nakpapɛɛ ne. Nomonome ne bechale bwa ɛɛ valɛ mumɡbal sihiih nee.

Jeremia 25:20

ne nɛŋhɔɔhra bwa baa lɔ bela, ne Us harɛ koranar ne Filisti koranar bwa, banɔ la baa le Askɛlɔn ne Gasa ne Ekron dɛ nɛra baa kaa dɛ do Asdɔd,

Jeremia 25:24

ne Arab koranar bwa ne harɛfala koranar baa soɡe pua hɛŋle ɡbo harɛre ta,

Jeremia 44:27

Korowii ŋɔ, “N sie lɔ ba be mɛɛ nyin ba dɛ chɔɡ, dɛ ɛɛ ba wedɛɛɡa te laa. Juu tena baa soɡe Ijipt harɛ ta la, laa ne lɔree dɛ́ kpoo ba ka tel kɛŋɔ ba bwa aa serewa.

Jeremia 46:9

Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Jeremia 50:37

Hé chɔɡ ba jaɡre ne kwaa aa do kɛ torɔɡore la! Hé ka kpoo laa tena baa ba dɛ cha ba la bwa! Hé na ɡɛ baa ɡwɛɡra! Hé chɔɡ deene baa dɛ cheɡ laala a yoɡ aa kpeɡa a bini. Baa paa kɛŋɔ laa ta kwaa kaa.

Ɛsekeɛl 27:10

Pɛɛsea ne Lidia dɛ Put harɛre baalaa ɛ he laa tena. Ba kpɔ kwaa baa kpɔa dɛɛ tɔ ba te ɡbemɡbe, ne buni ɡbɛrɛre saɡɛ he danjwɛɛre ta, dɛ ɡel he dɔ sɔn ne jirima.

Ɛsekeɛl 38:5

Baala baa le Pɛɛsea, ne Itiopia, dɛ Libya harɛre ta bwa ɛɛ ba ja o nɛɛ, dɛ́ kpoŋe kwaa baa kpɔa dɛɛ tɔ ba te ɡbemɡbe laa ta, ne bune ɡbɛrɛre.

Daneɛl 11:43

Wɛɛ pa Ijipt suuɡaswɛm ne suuɡapoŋa koŋkwaare dɛ kondɔɔh bɛlbwaa, dɛ́ le bela ka yo Lebya ne Itiopia harɛre tena, dɛ́ pɔ ba nɛ.

Sefania 2:12

Korowii ŋɔ wɛɛ kpoo Itiopia tena ɡe bwaa.