Ɛsekeɛl 30:3 - mzwDBL

³ Tɔpere la telo tonɛ. Tɔpere Korowii aa bol Ijipt harɛ tena waa la telo tonɛ. Baama ɛɛ tɔɔ awola, ásɛ harɛre bwa chɔɡ.

Ɛsekeɛl 30:3 ပူးပေါင်းရင်းမြစ်များ

Yela 110:6

Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

Yela 37:13

Korowii dɛ mamɛ nyubinikpeɡ tena, o jemɔ kɛŋɔ ba chɔɡa tɔpere telo tonɛ.

Kaala 14:20

dɛ do Ijipt laa tena ne Israel laa tena baah ta. Awola jwaana la, bam la baa tɔ baŋ bɛl, baŋ bɛl tena do biro ta asɛ bɔr chaah baŋ bɛl tena ɡe be. Anomanta, bɛlbwa ta wone la o dɔŋ be awola jwaana la bwa.

Kaala 14:24

Aa baa ka tama bɔr chaah la, Korowii cheɡɛ bam waa do jaŋne kaa nyundua la ne nii waa tɛra kaa nyundua la ta dɛ nyiŋi Ijipt laa tena dɛ chɔɡ ba liire.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 13:9

Hé na! Tɔpere Korowii aa lea cheɡ la dɛ ba. Awola tɔpere la aa werii do kwara, o baah ɛɛ diu taeh. Wɛɛ ɛ harɛ nɔɔ kɛŋɔ pua hɛŋle ɡbo harɛ ken, dɛ́ chɔɡ wechɔɡ-ɛɛra le o ta.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Jeremia 25:31

Nɛra baa lɔ harɛ jaɡa bwa ɛɛ no o nyɛɡa laanee. Korowii ne harɛre nɛra dɔɔ, wɛɛ bol nɛwɛnyina bwa waa dɛ́ pa bole, ásɛ dɛ kpoo nyubinikpeɡ tena.’ ” Korowiirii bola.

Ɛsekeɛl 13:5

Baa sie do danjwɛɛre aa peɡra la ta, dɛ́ kwaara, ásɛ dɛ laa dɛ ba naa, ba won lɛ Israel ta, dɛ́ won che Korowii Tɔpere La nyoa.

Ɛsekeɛl 29:12

Mɛɛ ɡeloo Ijipt harɛ chɔ pɛɛ, dɛ́ ja harɛre aa chɔɡa bwa ta. O bwɛjena bwa dɛ ba pɛɛ chɔe bene fifraanaarɛ. Ásɛ n lɔ Ijipt tena peɡre harɛre bwa ta.”

Ɛsekeɛl 30:18

N baa sɔɔh Ijipt harɛ kpeɡri nyoa aa, bɔr dɛ ba bira bwɛjen Tapanes, ásɛ Ijipt harɛ kpeɡri baa cheɡɛ a ta dɛɛ ɛ mbarafo la ba a jaɡa. Baama ɛɛ tɔ o bwaa, ásɛ ba lawɛ nɛra baa lɔ o bwɛjeɡre ta kaa.

Ɛsekeɛl 32:7

Maa ba chɔɡe tonɛ la, mɛɛ tɔ nyundua, ásɛ weweela nyoɡre, dɛ́ kpɔ baama tɔ wee ta, ásɛ korobie ɡel chaahna.

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Ɛsekeɛl 7:10

Tɔpere la telo, o pu heyaa tonɛ. He dachɔɡe do kɛŋɔ kwaa haa dua, a dɛ le, daŋɡbala la dɛ moɡɛ. He lwɛmkpeɡ la feɔ.

Ɛsekeɛl 7:12

Tɔpere la telo, o pu heyaa tonɛ. Kon-yoɡra ne yarawa sie aa lɛ, n bandia la dɛ ba nɛnlaa la bwa nɛ.

Ɛsekeɛl 7:19

Baa kpɔ ba suuɡapoŋa ne suuɡaswɛmee ta fɔɡbaahna kɛŋɔ chaa. Ba suuɡapoŋa ne suuɡaswɛm la aa won lɛɛ ba le men Korowii bandia tɔpere la ta. Baa won kpɔa yawɛ kwaa di, baa won dia ɡe dɛ́ vaɡɛ, dɛkalkɛ a taa ba lɔ naa dɛ ɛ wechɔɡa.

Ɛsekeɛl 7:7

Nɛra haa soɡe harɛ la ta, he chɔɡa telo. Saŋ la telo, tɔpere la joɔ tonɛ. Silɛɛ bɛlbwa toole voɡa aa lɔ bwea dor ta kpa, sibeɡra ɡboo.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Obadia 1:15

Tɔpere men Korowii aa kpɔ bol harɛre ta nɛra bwa waa dɛ́ pa bole la telo tonɛ. Gɛ haa ɛa nɔɔ mɛɛ ba kpɔa ɛ he Edom tena ɡe, he we-ɛɛla bwa ɛɛ ɡure he nyu taa.

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.

Sefania 1:7

Bɛ́lbwa hel men Nemenɛ Korowii sie. Tɔpere maa lea cheɡ dɛ́ bol n nɛra waa dɛ́ pa bole la telo tonɛ. N dɛ ba n nɛra Juda tena kpoora ɛ saraha, dɛ́ le ba dɔma bá ba yoo ba dɛ́ pa ba laala.

Matiu 24:33

Gɛɛ dɛ waa nɔ maa bol he be nɔ bwa baa dɛɛ chiɡ aa, ásɛ he jemɛ kɛ tɔpere maa dɛ bol o waa la bala telo.

Felepae 4:5

Hé ɡel nomɛlbwa jemɛ he waa kɛ he pwɛre. Ya Dɔɔ bala la pu yaa tonɛ.

Jems 5:9

Yabala, he bɛ dɔŋa waa dɛɛ naɡre ásɛ dɛ ba di bolchɔɡe Korowii sie. Ya bole pae dɛ tel.

Wepila 6:17

dɛkalkɛŋɔ ba tɔpejen la telo, nɛra ɛɛ ba ba danana nee nyɔe. Anomanta, umee dɛ́ won le a nyoa ɔ?”