Ɛsekeɛl 30:24 - mzwDBL

²⁴ Mɛɛ ɡeloo Babelɔn kooro do kpeɡri, dɛ́ kpɔ n kere do o nɔn ta. Kɛ Ijipt kooro te, mɛɛ kuuɡi o nɔɔraa, ásɛ o bwara nyɛɡo wɛɛ pɛmɛ Babelɔn kooro sie, dɛ́ sewɛ.

Ɛsekeɛl 30:24 ပူးပေါင်းရင်းမြစ်များ

Sefania 2:12

Korowii ŋɔ wɛɛ kpoo Itiopia tena ɡe bwaa.

Ɛsekeɛl 30:25

Gɛɛ, mɛɛ ɡeloo Ijipt kooro sɔɔh, dɛ́ ɡel Babelɔn kooro do kpeɡri. Maa ba kpɔ n kere do Babelɔn kooro nɔn ta, ásɛ o kpɔ pa Ijipt tena nɛɛ la, nomɛlbwa ɛɛ jemɔɔ kɛŋɔ menee Korowii.

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.

Aesaya 45:1

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ,

Nehemia 6:9

Dɛ ba dɛ nyin ba aah yaa, ásɛ ya bwara yɔr ya ɡel toma la ɛɛ. Asɛ n soŋe Korowii ŋɔ, “N Naa Korowii, tɛ mɛ bokpeɡa!”

Ɛsekeɛl 30:10

Nemenɛ Korowii bolɔ ŋɔ, “Mɛɛ ɡeloo Babelɔn Kooro Nebukadnesa kpoo Ijipt harɛ nɛndamanta bwa.

Ɛsekeɛl 26:15

Men Nemenɛ Korowii berɔ bol bwɛjen Taaya tena waa ŋɔ, ‘Ba yo heyaa dɛ pɔ he nɛɛ tonɛ aa, nɛra baa soɡe mpo nyoa la ɛɛ ɔmɔɔ taeh, lɔŋɔre nɛra baa dɛ kpoo ba la aa dɛ dooɡe la wa.

Jeremia 51:52

Kɛ Korowii ŋɔ, “Tɔpera ane dɛ ba bala ásɛ n chɔɡ Babelɔn harɛ voɡa, ásɛ nɛra baa do ba bola bwa ɛɛ pɛmɛ harɛ la ta.

Aesaya 10:15

Kpanfɛ ɛɛ won ŋɔ o ɡwaa nɛn waa kpɔɔ dɛɛ teŋe daa aa, kɛɛ saradaa ɛɛ won ŋɔ o ɡwaa naate waa dɛ ɛ o ne toma aa? Guli ɛɛ won ɡɔɔ o te dɛ nɛn laa kpɔɔ waa? Kɛɛ da ɛɛ won ɡɔɔ nɛn aa?

Yela 144:1

N dɛ kpɛɛ Korowii, onee do kɛ Bwetal, n chwa baa marɔ. Onee chaɡ mɛ n jemɛ laa yoi.

Yela 18:39

He tɛ mɛ bokpeɡa n won laa yoi, dɛ sɔɔh n dɔma nyoa n pɔ ba nɛ.

Yela 18:32

Korowii tɛ mɛ bokpeɡa, dɛ ɡel n ŋwɛnɛ do wer mɛɛ kpɔ o ta.

Yela 17:13

N Naa Korowii, ir nyu ne, puu ba, dɛ́ ba ba ne harɛ, kpɔ he tokobi, dɛ́ lɛɛ mɛ le nyubinikpeɡ tena nɔn ta.

Job Tɔn 24:12

Nɛra baa dɛ ba serewa dɛ pɛmɛ bwɛjen la ta, banɔ la baa do ba bola ɡe ɛɛ wi, dɛɛ nyin Korowii ó cha ba, kɛ Korowii laa sie kpɔ ɡɛ wechɔɡ-ɛɛra la nɛ.

Ɛsekeɛl 29:19

Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr.

Ɛsekeɛl 30:11

O ne o laa tena ba nyu bini aa kpeɡa kohona ɡwaa harɛre laa tena ɛɛ bao, dɛ́ ba chɔɡ harɛ la. Baa pamɛ ba kerii dɛ́ yo Ijipt tena, ásɛ Ijipt tena serewe perɛ harɛ la bwa ta.

Ɛsekeɛl 30:21

“Nɛwɛnyini bie, n pɔ Ijipt kooro nɛ. A do kɛŋɔ maa ku o nɔn ba ta on vɔwɛ o choŋi dɛ do kpeɡri, dɛ́ won lawɛ kere kpoŋe la ken.