Ɛsekeɛl 30:18 - mzwDBL

¹⁸ N baa sɔɔh Ijipt harɛ kpeɡri nyoa aa, bɔr dɛ ba bira bwɛjen Tapanes, ásɛ Ijipt harɛ kpeɡri baa cheɡɛ a ta dɛɛ ɛ mbarafo la ba a jaɡa. Baama ɛɛ tɔ o bwaa, ásɛ ba lawɛ nɛra baa lɔ o bwɛjeɡre ta kaa.

Ɛsekeɛl 30:18 ပူးပေါင်းရင်းမြစ်များ

Ɛsekeɛl 30:3

Tɔpere la telo tonɛ. Tɔpere Korowii aa bol Ijipt harɛ tena waa la telo tonɛ. Baama ɛɛ tɔɔ awola, ásɛ harɛre bwa chɔɡ.

Ɛsekeɛl 29:15

Wɛɛ ɛ kora waa wola kpeɡrii do kpa harɛre koranar bwa bini. Waa ir dɛ́ do kpeɡri dɛɛ nyiŋi harɛfala ane ta kpa.

Jeremia 2:16

Laa tena baa le Ijipt bwɛjena, Mɛmfes ne Tapanes ta dɛ fonɛ he nyuune la kpalkpal kɛ yoma.

Aesaya 10:27

Mɛɛ laa wahala baa dɛ ɛ heyaa a berɛ heyaa bone laanee kpɔ he nɛ, ásɛ wobɛlbwa le he baŋa a ɡɛ saŋ.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Joel 3:15

Korobie ne wee aa lɔ, ásɛ bɔr bir, weweela ɡe aa chaah kpa.

Ɛsekeɛl 31:18

A ɡɛ daa laanee Ijipt kooro ne o nɛndamanta la. Daa aa lɔ Eden bodɛɛɡe la bini ume kan ne o wer ne onee ɛ kɛrɛdɛ ɔ? Baa teŋe o ne Eden daa la bwaa ta, o kaa harɛ bini. Taraken, wɛɛ ka ja nɛra baa wola men tomɛ ne banɔ la baa kpoo ba laa ta la nɛɛ. Men Nemenɛ Korowiirii bola.”

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 14:11

He jenu bwa tonɛ lalabwɛ, janjela baa lɔa dɛɛ duuri bwa chiɡo. Dudulee he kalaŋ, dɛ tɔe yal.’

Aesaya 13:10

Weweela aa chaah ɡɛ saŋ, wee aa bɔr chaahna ba kpa, korobie ɡe aa won chaah.

Aesaya 9:19

Koranar Bwa Kooro bandia nomanta, o deŋnetɛra do kɛŋɔ nii aa dɛ fuh harɛ la ta bwa, dɛɛ fuh nɛra. Ásɛ nomɛlbwa aa o dɔŋ sumii na kpa.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Lewi Dea Tena 26:13

Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.

Kaala 10:15

A balɔ warɛ dɛ tɔ harɛ la sie bwa o bir ken. A di kwaa dombwea la aa wola chɔɡɛ la bwa. Kwaa aa lɔ koo ne daa nɔna bwa. Konduuli bɛlbwa toole dɛ ka. Komɛlbwa ta Ijipt harɛ ta kae.

Jeremia 27:2

ń kpɔ oltɔn ŋwɛɛra vɔwɛ da, dɛ́ kpɔ dawɛ n baŋa ta kɛŋɔ ba yon kpɔ daa dawɛ nae nɛ aa parɛ la.

Jeremia 28:10

Belaa Hanania laa daa waa dawɛ men Jeremia baŋa kɛŋɔ bontɔɡa la ku,

Jeremia 28:13

“Ir la ka ŋɔ Hanania be ŋɔ, ‘Haa wona ku daa la nomanta, buni konee dɛɛ ba ba chiɡ o naa ta.

Jeremia 30:8

Koranar Bwa Kooro ŋɔ, “Awola tɔpere la, mɛɛ kuuɡi kon waa do kɛŋɔ da, ba yon kpɔ dawɛ nae nɛɛ aa parɛ, ba kpɔ dawɛ Jekɔb naanar baŋa ta laanee, dɛ́ kuuɡi jɔɡrɔre la ɡe bwa. Ásɛ nɛŋhɔɔhra aa won dɛɛ fiɡ ba kpa.

Jeremia 44:1

Korowii bol Israel tena baa lɔ Ijipt bwɛjena Miɡdol ne Tapanes ne Mɛmfes, dɛ banɔ la baa lɔ harɛ la weekaŋle harɛbɔr waa men Jeremia be.

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

Ɛsekeɛl 30:23

N dɛ ba Ijipt tena bwa lɔe peɡre harɛre bwa ta.

Ɛsekeɛl 32:7

Maa ba chɔɡe tonɛ la, mɛɛ tɔ nyundua, ásɛ weweela nyoɡre, dɛ́ kpɔ baama tɔ wee ta, ásɛ korobie ɡel chaahna.

Ɛsekeɛl 34:27

Harɛ la ta daa bɛlbwa ɛɛ nɔnɔɔ kɛrɛdɛ, ásɛ koo kondikwaa ɛ kohona, nomɛlbwa so deŋnesɔɔhna ta o harɛ ta. N baa lawɛ n nɛra le nɛra baa dɛ fiɡ ba kɛ yoma nɔn ta naa, anee baa ba jema kɛŋɔ menee Korowii.

Ɛsekeɛl 38:9

O ne o laa tena ne harɛre ta nɛra baa ja o nɛɛ la ɛɛ warɔɔ, dɛ́ ba harɛ la ta kɛ peukpeɡ, dɛ́ ba tɔ harɛ la ta bobɛlbwa kɛŋɔ bam ken.