Ɛsekeɛl 30:14 - mzwDBL

¹⁴ Mɛɛ chɔɡ Ijipt harɛ weekaŋle harɛbɔree o chɔ pɛɛ, dɛ́ fuh bwɛjen Soan waa lɔ weekaŋle nyunduabɔr ɡe, dɛ́ ba tɛr Tebes waa ɛ ba bwɛjen la tena ɡe deŋne.

Ɛsekeɛl 30:14 ပူးပေါင်းရင်းမြစ်များ

Yela 78:12

O ɛ nyokpowaa ba naawa siwi ta, Soan harɛ waa chɔa kaa dɛ do Ijipt harɛ ta.

Yela 78:43

dɛ ɛ wejena ne nyokpowe-ɛɛla, Soan harɛ waa chɔa kaa, dɛ do Ijipt harɛ ta la wa.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 19:11

Nomonome baa chɔ Ijipt bwɛjen Soan nyoa la ɛ ɡɛna, nomonome baa jemɛ waa dɛɛ ja Ijipt kooro la aa on liidɛɛɡa tɛ. Aah, hɛɛ won ŋɔ Ijipt kooro be ŋɔ, “N ɛ wejereme kɛŋɔ saŋ la tena wejerema ne koranar la bini bɛl aa?”

Aesaya 19:13

Nomonome baa chɔ Soan nyoa berɛ ɡɛna, Mɛmfes nomonome ɡe wili. Banee fe chɛ kɛŋɔ ba tɔ Ijipt tena sie, dɛ berɛ ɡel ba nyoɡre.

Aesaya 30:4

A lole kɛŋɔ Juda tena toroma lɔ Ijipt bwɛjena Soan ne Hanes,

Jeremia 44:1

Korowii bol Israel tena baa lɔ Ijipt bwɛjena Miɡdol ne Tapanes ne Mɛmfes, dɛ banɔ la baa lɔ harɛ la weekaŋle harɛbɔr waa men Jeremia be.

Jeremia 44:15

Belaa baala baa jema kɛ ba haahna dɛ fuh konsɔɔhsoma voɡare ane ta, ne haahna baa cheɡɛ bela bwa, dɛ Israel tena baa wara dɛ so Ijipt weekaŋle harɛbɔr ŋɔ men Jeremia be ŋɔ,

Jeremia 46:25

Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa.

Ɛsekeɛl 29:14

dɛ́ ɡel ba ba so Ijipt harɛ weekaŋle harɛbɔr, ba naawa harɛ ba fa aa soɡe o ta la ta. Ba harɛ la kora aa kpeɡrii do kpa.

Ɛsekeɛl 29:19

Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr.

Ɛsekeɛl 30:15

Mɛɛ kpɔ n bandia ba ta bwɛjen Pɛloseɔm waa ɛ Ijipt dekpeɡ la taa. Mɛɛ kpoo nɛndamanta baa lɔ bwɛjen Tebes ɡe bwaa.

Ɛsekeɛl 30:16

Mɛɛ fuh Ijipt harɛɛ, ásɛ lokua chole bwɛjen Pɛloseɔm tena nɛ. Baa kuuɡi bwɛjen Tebes danjwɛɛre aa baroo la, ásɛ bwɛjen Mɛmfes tena ɛɛ na weweele saŋ bɛlbwa.

Ɛsekeɛl 30:19

Gɛɛ mɛɛ ba Ijipt tena deŋne tɛra, ásɛ ba jemɛ kɛŋɔ menee Korowii.”

Ɛsekeɛl 30:8

N ɡelɔ nii ba chɔɡ Ijipt harɛ dɛ kpoo nɛra baa dɛ chao waa, anee baa ba jema kɛŋɔ menee Korowii.

Neehum 3:8

He ɡwaa bwɛjen Tebes waa chɔ Nael Moo nyoa nee bar o bwa la kɛɛ? Nee laanee tɔɔ ɡbemɡbe, dɛ do kɛŋɔ danjwɛ.

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.