Ɛsekeɛl 30:13 - mzwDBL

¹³ Nemenɛ Korowii ŋɔ, “Mɛɛ chɔɡ voɡaa, ne anɔ la baa ɛa a do bwɛjen Mɛmfes bwaa. Kooro aa Ijipt harɛ taa do kpa, ásɛ n kpɔ ɔmee kohona ba ta nɛra nɛɛ harɛ la ta bwa.

Ɛsekeɛl 30:13 ပူးပေါင်းရင်းမြစ်များ

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Aesaya 2:18

ásɛ voɡa ɡe bwa nyoɡre kwaraa.

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 2:16

Laa tena baa le Ijipt bwɛjena, Mɛmfes ne Tapanes ta dɛ fonɛ he nyuune la kpalkpal kɛ yoma.

Jeremia 43:12

Mɛɛ kpaa nii do Ijipt harɛ voɡare deene ta, ásɛ dɛ ɡel Babelɔn kooro fuh ba voɡare kɛɛ dɛ́ paa kaa. Gɛ peteɡre yon laa kpanjeɡa dɛɛ kpɔ o batakaare ta la, ɡɛɛ Babelɔn kooro ɛɛ ba doŋa laa kpɔ Ijipt harɛ ta, dɛ́ pɔ ba nɛɛ le bela kaa.

Jeremia 43:13

Wɛɛ kuuɡi bwea baa paaɡa dɛɛ duura Hɛleopɔles Ijipt harɛ ta laanee, dɛ́ fuh Ijipt voɡa deene ɡe bwa.’ ”

Jeremia 44:1

Korowii bol Israel tena baa lɔ Ijipt bwɛjena Miɡdol ne Tapanes ne Mɛmfes, dɛ banɔ la baa lɔ harɛ la weekaŋle harɛbɔr waa men Jeremia be.

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Jeremia 46:19

Ijipt tena, hé boa he laala nyoa bá lawɛ heyaa kaa bojaŋ harɛfale ta. Mɛmfes ɛɛ berɛ pua hɛŋle ɡbo harɛɛ, dɛ́ berɛ dimɡbia nomɛlbwa aa wola won so o ta.

Jeremia 46:25

Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa.

Jeremia 46:5

Bɔkwaa mɛɛ na nɔɔ? Ɔmee kohona chole Ijipt laa tena nɛɛ ba le habɔɔ chwa dɛɛ kaa. Babelɔn laa tena yoo ba dɛ pɔ ba banyoola nɛ. Ba kpɔ bochela chwa dɛɛ le, bɛlbwa aa kee dɛɛ nyiŋi, ɔmee kohona su ba bwa. Men Korowiirii bola.

Ɛsekeɛl 30:16

Mɛɛ fuh Ijipt harɛɛ, ásɛ lokua chole bwɛjen Pɛloseɔm tena nɛ. Baa kuuɡi bwɛjen Tebes danjwɛɛre aa baroo la, ásɛ bwɛjen Mɛmfes tena ɛɛ na weweele saŋ bɛlbwa.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Sekaria 10:11

Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.