Ɛsekeɛl 30:11 - mzwDBL

¹¹ O ne o laa tena ba nyu bini aa kpeɡa kohona ɡwaa harɛre laa tena ɛɛ bao, dɛ́ ba chɔɡ harɛ la. Baa pamɛ ba kerii dɛ́ yo Ijipt tena, ásɛ Ijipt tena serewe perɛ harɛ la bwa ta.

Ɛsekeɛl 30:11 ပူးပေါင်းရင်းမြစ်များ

Ɛsekeɛl 28:7

Mɛɛ ɡeloo nɛŋhɔɔhra baa ɛ harɛre nɛra ba nyu bini aa kpeɡa ɡwaa harɛre bwa nɛra ba yoi. Baa pamɛ ba kerii, dɛ́ chɔɡ kwaa haa cheɡɛ he wejema ta dɔ dɛ do wer la.

Ɛsekeɛl 30:24

Mɛɛ ɡeloo Babelɔn kooro do kpeɡri, dɛ́ kpɔ n kere do o nɔn ta. Kɛ Ijipt kooro te, mɛɛ kuuɡi o nɔɔraa, ásɛ o bwara nyɛɡo wɛɛ pɛmɛ Babelɔn kooro sie, dɛ́ sewɛ.

Ɛsekeɛl 31:11

Anomanta, n kpɔɔ do harɛre nɛra baa ɛ hɔɔhra la kooro nɔn ta, ásɛ o ɛo ɡɛ aa chɛa o nyubinikpeɡ la wa. N vɛoh.

Ɛsekeɛl 31:12

Nɛŋhɔɔhra ba nyu bini aa kpeɡa teŋo ta dɛ ɡelo. O kpala ne a nyoo aa kuuɡa chɔ bwejena ne fɛlembɔjena bwa ta. Harɛ nɔ ta nɛra ba bwa fa aa soɡe o chunchule ta la, le o mun.

Ɛsekeɛl 32:12

Mɛɛ ɡeloo harɛre a laa tena nyu bini aa kpeɡa ɡwaa harɛre bwa kpɔ ba keri ba kpoo he nɛra bwa. Baa chɔɡ he nɛndamanta ne he kondɔɔh haa dɛ ɛ mbarafo a waa la bwaa.

Ɛsekeɛl 35:8

Mɛɛ ɡeloo lala su bwejena dor bwa, ásɛ banɔ la baa kpoo ba laa ta chɔɔɡe deŋɡarere ta, dɛ́ su nenabɔɔne bwa bini.

Ɛsekeɛl 39:4

Israel bwejena taa hɛɛ ba sewa, he ne he laa tena bwa, ne harɛre ta laa tena baa ja he nɛɛ bwa. Mɛɛ kpɔe tɛ jumbii ne kpɔɡ bini olchɔɡa aa di konlala, he ɛ a kondikwa.

Mmarare 28:50

Ba ɛ harɛre nɛra ba siwi aa kpeɡa, baa wola nomoa duu kɛɛ baa wola bechala sum na.