Ɛsekeɛl 3:7 - mzwDBL

⁷ Kɛ n nɛra Israel tena ɛɛ vɛh he be noe, dɛkalkɛ baa n waa nyin dɛ no, ba vɛh n wa, ba bambile kpeɡri, ba deŋne ɡe do kpeɡri.

Ɛsekeɛl 3:7 ပူးပေါင်းရင်းမြစ်များ

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Ɛsekeɛl 2:4

Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol.

1 Samoɛl 8:7

Asɛ Korowii ŋɔ Samoɛl be ŋɔ, “No waa bwa nɛra la aa dɛ bol he be la, he laa ba vɛh kɛ ba kooro, men Korowiirii ba vɛh.

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Ɛsekeɛl 24:7

Ba kpoo nɛra bwɛjen la ta, ba chale chɔ bwea ta, harɛpɛɛ ta laa a chɔ, ásɛ teera tɔ a ta.

Jeremia 44:16

“Ya vɛh waa haa cheɡɛ Korowii sɔn ta dɛ bol ya be la.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Ɛsekeɛl 3:6

Ba ta harɛ o nɛra wobol aa kpeɡa, ba waa mun noe do kpeɡri ɡe ɛɛ. Dɛ n fe tomɛ ɡɛ nɛra la be naa, ba fe noɔ.

Ɛsekeɛl 3:8

Mɛɛ ɡeloo hen Ɛsekeɛl bambile do kpeɡri, ásɛ he bɛ he te kpɔ tɛɛ ba.

Sekaria 7:12

Ba ɡelɔ ba bambile do kpeɡri kɛŋɔ bwe ken, dɛ vɛh waa maa cheɡɛ n Doma ta dɛ bol baɡle n saŋ la keamere la ta teŋa. Anomanta, men Koranar Bwa Kooro baah di ba nɛɛ taeh.

Jeremia 6:10

Anee men Jeremia chaŋe ŋɔ, “N ŋɔ n bol wa dɛ́ kah ba aa, umee dɛ́ no n be nɔ? Ba ɛ deŋnekpeɡ tena dɛ vɛh he waa noe. Ba dɛ mamɛ waa haa ŋɔa n bol la.

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Jeremia 7:27

Jeremia, he bol ɡɛ waa nɔ ba be kwaraa naa, baa he bee no, he yer ba ɡe aa, baa hen chaŋe.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.