Ɛsekeɛl 3:23 - mzwDBL

²³ Ate, n ir dɛ kaa bela. N na Korowii jirima bela ɡɛ n fa aa nao Keba Moo nyoa la, asɛ n kpɔ sie pi harɛ.

Ɛsekeɛl 3:23 ပူးပေါင်းရင်းမြစ်များ

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Ɛsekeɛl 10:18

Ate, Korowii jirima le o Dea doonyoa bela dɛ ba che Kerobim la nyundua.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Ɛsekeɛl 43:3

Wepila la do kɛŋɔ anɔ la Korowii aa baa chɔɡ bwɛjen Jerusalam, ne Keba Moo nyoa kwaa maa naa la, asɛ n ba harɛ dɛ kpɔ sie pi harɛ.

Ɛsekeɛl 44:4

Baa la kpɔ mɛ kpɔ weekaŋle nyunduabɔr doonyoa ta, dɛ ba n ne Korowii Dea la sie. Asɛ n na kɛŋɔ Korowii jirima baa su o Dea la bini bwa, asɛ n ba harɛ dɛ kpɔ sie pi harɛ.

Ɛsekeɛl 8:4

Belaa n na Korowii Israel tena aa dɛ tomɔ jirima, ɡɛ n fa aa nao Keba Moo la bɔr la.

Ɛsekeɛl 9:3

Belaa Korowii Israel tena aa dɛ tomɔ la jirima le Kerobim la ta, bela o fa aa lole la, dɛ kaa Dea la doonyoa. Korowii ŋɔ baa la waa tɔ yapoŋ asɛ kwaa waa kpɔ chwerɛ do o be la be ŋɔ,

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Nɛra Kura 16:19

Kora aa yerɛ o bala baa wara la bwa cheme Korowii Dea Cheremibɔr doonyoa bela la, Korowii jirima balɔ, nɛra baa cheme bela la bwa na.

Nɛra Kura 16:42

Israel tena la aa pɛa dɛɛ naɡre waa Mosis ne Arɔn be la, ba berɛ sie ta Korowii Dea Cheremibɔr bela, buɡ la ta, ba na kɛŋɔ bam la baa tɔ o ta, asɛ Korowii jirima tɔ o bwa.

We-ɛɛla 7:55

Korowii Domadɛɛɡe aa soɡe Steeven nɛɛ kpeɡri nɛɛ nomanta, o nyiŋi nyundua dɛ na kɛŋɔ bɔr aa chaahna werwer ken Korowii be. Asɛ o na Yeesu cheɡa nomombɔr Korowii diɡ ta bela,

Josua 5:14

Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

Wepila 4:10

dɛ nomonome fifraanɛ dɛ banaarɛ la laa ba kooɡbɛrɛre pili bil kookara la sie dɛ ɡuŋi naate waa soɡe kookara la ta dɛ do le saŋ bɛlbwa la, dɛɛ duuru ŋɔ,

Wepila 5:14

Hweera kwaa anaarɛ la sio ŋɔ, “Aamen,” asɛ nomonome la ɡe ɡuŋi harɛ dɛ duuru.

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.