Ɛsekeɛl 3:20 - mzwDBL

²⁰ Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

Ɛsekeɛl 3:20 ပူးပေါင်းရင်းမြစ်များ

2 Webena 24:2

Kooro Joas ɛ waa aa too Korowii tea, ɡɛ saŋ sɔfo Jehoiada aa dɛ di sɔfore bwa.

2 Webena 25:15

Anomanta, Korowii baah di Kooro Amasea nɛ, dɛ tomɛ o keame bɛl o be ŋɔ, “Ɛrɛɛ hɛɛ tomɛ harɛre ane voɡa aa wola wone lɛ a nɛra le he nɔn ta nɔɔ?”

Yela 119:165

Nɛra baa dɛ nyin he Mmarare la, dɛ dɔ deŋnesɔɔhna kohona, komɛlbwa aa won ɡel ba lɔ na.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

Sɛɡla 25:12

Nɛn waa dɛ no nɛn waa jemɛ waa wejaala la, a ɡwaa kwaa baa kpɔ suuɡaswɛm tenten ɛa.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Aesaya 8:14

Menee boɡoroŋ haa jo dɛ́ dɔ he nyu. N berɔ do kɛŋɔ bwe Israel tena ne Juda tena aa lɔ naa dɛ choɡli, dɛ berɛ do kɛŋɔ bel dɛ chɔ kpa Jerusalam tena dɛ́ laɡ ba.

Jeremia 34:16

Kɛ he berɔ charɛ he liire dɛɛ chɔɡ n sɔn, bɛlbwa berɔ ka lawɛ baa kɛɛ haah o fa aa ɛ yom he lawɔ la. He berɔ ɛɡ ba dɛ ɛɛ ba yoma ja.

Jeremia 6:21

Anomanta, mɛɛ ɡeloo ɡɛ nɛra nɔ lɔ naa dɛ́ choɡli. Lolanar ne ba bii ɛɛ serewoo, nɛra ne ba daamanar ɡe serewe.

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

Ɛsekeɛl 18:26

Dɛ nɛn o wa aa toɡra le wedɛɛɡa ɛɛ ta dɛ ka ɛ wechɔɡa aa, wɛɛ sewɔɔ. O wechɔɡa waa ɛa la waa wɛɛ ba sewa.

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Ɛsekeɛl 33:18

Dɛ nɛn o wa aa toɡra ɡel wedɛɛɡa ɛɛ dɛɛ ɛ wechɔɡa aa, wɛɛ sewɛ o wechɔɡa waa ɛa la waa.

Ɛsekeɛl 33:6

Dɛ nɛn waa dɛ daah harɛ la na dɔma bala o ta bɛla la hoɛh nɛra la jemɛ, asɛ dɔma la ba kpo ba bini bɛlbwa naa, naate baa kpoo la sewɛ o wechɔɡa wa, kɛ mɛɛ pɛɛ naate waa sewa la chal waa le nɛn waa dɛ daah bɔr la be.

Ɛsekeɛl 7:19

Baa kpɔ ba suuɡapoŋa ne suuɡaswɛmee ta fɔɡbaahna kɛŋɔ chaa. Ba suuɡapoŋa ne suuɡaswɛm la aa won lɛɛ ba le men Korowii bandia tɔpere la ta. Baa won kpɔa yawɛ kwaa di, baa won dia ɡe dɛ́ vaɡɛ, dɛkalkɛ a taa ba lɔ naa dɛ ɛ wechɔɡa.

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Matiu 18:15

Anee Yeesu berɛ ŋɔ, “Dɛ he dɔŋ ɛɛ wechɔɡa ane aa, la o be he ne o le bokɛre bela nomɛlbwa aa wola toole, dɛ́ ka ɡel o jemɛ wechɔɡa waa kpɔa ɛɛ. Dɛ o na o wechɔɡa dɛ larawe naa, dɛ he berɔ dɔ he chamenate.

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Tɔn Pɔɔl Aa Chwerɛ Rom Tena 11:9

Ya nabaa Devid bolɔ ŋɔ, “Korowii, ɡɛ saŋ baa dɛɛ di kwaa dɛɛ lɛ ba sie la, ɡel siswɛm piɡ ba. Gel waa ba sie aa dɛ lɛ a ta la ɛ kon baa lɔ naa o ta dɛɛ choɡli, dɛ́ ɛ bel dɛɛ laɡ ba, ásɛ ba wa ɛɛ ɡure ba nɛ.

1 Kɔrent 1:23

Ya te, Yeesu Kristo sewa daɡaɡre ta la waa yaa bol. A ɛ waa Juu tena aa dɛ lɔ naa a ta dɛɛ vɛah, asɛ nɛra baa wola Juu tena ɛɛ ɡe la, a ɛ wesale ba be.

Mmarare 13:3

he bɛ a ɡɛ nɛn la be no. Korowii haa dɛ tomɔ nɔ dɛ daah heyaa, dɛ́ na kɛŋɔ he dɛ nyinu he bambile bwa ne he hweera bwa ne kɛɛ.

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.