Ɛsekeɛl 3:12 - mzwDBL

¹² Belaa Korowii Doma la ɡɔɔ mɛ ir che, asɛ n no takpeɡ bɛl n habɔɔ kɛŋɔ bwaala aa kɔra ken ŋɔ, “Hé kpɛɛ jirima Korowii aa dɔa o soŋnibɔr.”

Ɛsekeɛl 3:12 ပူးပေါင်းရင်းမြစ်များ

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

2 Koranar 2:16

dɛ ŋɔ o be ŋɔ, “Yan yaa ɛ he bonɔɔna lɔ baala fifraanue ya bwara aa kpeɡa bonɔ. Gel yá ka ɡaaɡe he nomoa bɔr, Korowii domaa ken baa kpɔɔ kaa dɛ ka ɡelo bwejen bɛl doa kɛɛ fɛlembɔjen bɛl bini.” Anee Elaesa ŋɔ, “Akai, he bɛ nomɛlbwa tomɛ.”

Yela 148:2

Nyundua toroma, hé kpɛɛro, Korowii dɔm haa wara dɛ do o be nyundua bwa, hé kpɛɛro.

Yela 26:8

N Naa Korowii, bela haa soɡa dɛ do n wer, bela he jirima aa lole la.

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Ɛsekeɛl 11:1

Korowii Doma la ɡɔɔ men Ɛsekeɛl kaa nyundua, dɛ kpɔ mɛ ba Jerusalam Korowii Dea wee leebɔr doonyoa la ta. Belaa n na baala fifraanɛ dɛ banue, dɛ Asuur bibaa Jaasania, ne Bɛnaya bibaa Pɛlatea baa ɛ Israel harɛ nomonome ja ba nɛ.

Ɛsekeɛl 2:2

Waa dɛ bol waa la, o Doma baa so n nɛ dɛ ɡɔɔ mɛ ir che, asɛ mɛɛ no o wobol la.

Ɛsekeɛl 3:11

La he bwɛɛ tena baa lawɛ he ne ban ba Babelɔn bonɔ la be ka ŋɔ, ba vɛoh woo ba ta vɛɛh yoo, ŋɔ ba be. Kenii men Nemenɛ Korowii ɛɛ bol.”

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Ɛsekeɛl 43:4

Korowii jirima la cheɡɛ wee leebɔr doonyoa la ta, dɛ ba su o Dea la bini.

Ɛsekeɛl 43:5

Belaa Korowii Doma la kpɔ mɛ ir, dɛ ba n ne bini dembaah la ta, asɛ Korowii jirima su o Dea bela.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Ɛsekeɛl 9:3

Belaa Korowii Israel tena aa dɛ tomɔ la jirima le Kerobim la ta, bela o fa aa lole la, dɛ kaa Dea la doonyoa. Korowii ŋɔ baa la waa tɔ yapoŋ asɛ kwaa waa kpɔ chwerɛ do o be la be ŋɔ,

We-ɛɛla 2:2

Kerabeŋkpoŋ dɛ komɛl dɛ ɡbɔɡre nyundua dɛɛ si kɛŋɔ peujen bɛl aa dɛ ta ken. Asɛ a ɡɛ ɡbɔɡa la tɔ dem la baa lɔ o ta la bwa.

We-ɛɛla 8:39

Baa le nee la ta la, Korowii Domadɛɛɡe baa kpɔ Felep kaa buɡ la ta. Nomoa la ta on nae kpa, dɛ chiɡ ŋwɛnɛ ta kaa silɛɛ ne.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

Wepila 1:15

O nakpale ɡe swɛɛrɔ kɛŋɔ baa kpɔ ayaawa do nii ta wɛɛ nyɛɡle la. Asɛ o taa ɡe do kɛŋɔ chuubu aa dɛ si la.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.