Ɛsekeɛl 3:11 - mzwDBL

¹¹ La he bwɛɛ tena baa lawɛ he ne ban ba Babelɔn bonɔ la be ka ŋɔ, ba vɛoh woo ba ta vɛɛh yoo, ŋɔ ba be. Kenii men Nemenɛ Korowii ɛɛ bol.”

Ɛsekeɛl 3:11 ပူးပေါင်းရင်းမြစ်များ

Kaala 32:7

Anee Korowii ŋɔ Mosis be ŋɔ, “Berɛ tu kaa harɛ, he nɛra haa kpɔ ba le Ijipt harɛ la ɛ wechɔɡa dɛ vɛɛh mɛ.

Jeremia 29:20

Korowii berɔ ŋɔ, “Anomanta, hé cheɡ deŋne dɛ́ɛ no men Korowii wa, he nɛra maa ɡela ba lawɛ heyaa le Jerusalam kaa bojaŋ harɛ Babelɔn la.

Ɛsekeɛl 2:4

Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol.

Ɛsekeɛl 2:5

Ba no he be kɛɛ ba ta he be noɛ yoo, ba ɛ deŋnekpeɡ tena wubwa, kɛ baa jemɔɔ kɛŋɔ Korowii keame ba ba be.

Ɛsekeɛl 2:7

Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa.

Ɛsekeɛl 20:27

Nemenɛ Korowii berɔ ŋɔ men Ɛsekeɛl be ŋɔ “Nɛwɛnyini bie, berɛ ŋɔ Israel tena be kɛŋɔ, anɔ ɡe taa ba naawa ɛɛ mɛ nɛnhɛlwa dɛ le n habɔɔ.

Ɛsekeɛl 3:10

Korowii berɔ ŋɔ n be ŋɔ, “Nɛwɛnyini bie, cheɡ deŋne dɛ́ no waa maa dɛ bol he be nɔ kɛrɛdɛ.

Ɛsekeɛl 3:12

Belaa Korowii Doma la ɡɔɔ mɛ ir che, asɛ n no takpeɡ bɛl n habɔɔ kɛŋɔ bwaala aa kɔra ken ŋɔ, “Hé kpɛɛ jirima Korowii aa dɔa o soŋnibɔr.”

Ɛsekeɛl 3:15

N ba n bala baa laɡ ba ba Babelɔn harɛ bobɛl baa dɛ yerɔ Tɛl Abib la be, o bɛne Keba Moo la. N soɡe ba be tɔpera anuanɛ, asɛ n bwara yɔr waa maa naa la wa.

Ɛsekeɛl 3:27

Dɛ n berɔ dɛɛ ba ba bol waa he be ja aa, mɛɛ ɡeloo he won bol wa, dɛ́ bol ba be ŋɔ kenii men Nemenɛ Korowii ɛɛ bol, ‘Bɛlbwa waa no la ɛɛ noo, bɛlbwa waa wola no la ɡe aa no, dɛkalkɛ deŋnekpeɡ tenaa wubwa.’ ”

Ɛsekeɛl 33:12

Anomanta, nɛwɛnyini bie, ŋɔ he bwɛɛ tena be ŋɔ, ‘Dɛ nɛn o wa aa toɡra ɛ wechɔɡa aa, waa o nyuu dɔ toɡra o waa fa aa toɡra wubwa la wa. Dɛ wechɔɡ-ɛɛ le o wechɔɡa ta naa, waa deŋnetɛraa dɔ.’

Ɛsekeɛl 33:17

Kɛ he nɛra la dɛ bol men Korowii waa ŋɔ n waa ta toɡrɛ. Gɛ laa a do, ba waa wola toɡrɛ.

Ɛsekeɛl 33:2

“Nɛwɛnyini bie, bol he bwɛɛ tena la be ŋɔ dɛ n ba laa ne harɛ la ta, asɛ ba le ba bini bɛl ŋɔ wɛɛ daah harɛ la,

Ɛsekeɛl 33:30

Kɛ hen Nɛwɛnyini bie, he nɛra la lawɛ dɔŋa pɛl bwɛjen la danjwɛɛ ne ba doonyoo dɛɛ bol he waa ŋɔ, ‘Hé ba yá ka no waa aa le Korowii be.’

Ɛsekeɛl 37:18

He bwɛɛ tena bɔɔre ŋɔ he baɡ ba ɡɛ waa nɔ mun aa,

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Daneɛl 6:13

Asɛ ba ŋɔ kooro be ŋɔ, “Daneɛl waa ja nɛra baa laɡ ba le Juda harɛ bojaŋ ba la aa hen duu, waa mmara haa doa la ɡe ta teŋɛ. O ta dɛ soŋe Korowii tɔpere bɛlbwa keraatoro.”

Mmarare 9:12

Belaa Korowii ŋɔ n be ŋɔ, ‘Tu le bonɔ kaa warane, he nɛra haa le ba ne Ijipt harɛ ta ba la ɛ wechɔɡa. Ba deno le waa maa do ba a ta la ta dɛ ɛ voɡ dɛɛ tomɔ.’