Ɛsekeɛl 29:6 - mzwDBL

⁶ Ásɛ nɛra baa lɔ Ijipt harɛ ta bwa jemɛ kɛŋɔ menee Korowii.’ ” Korowii ŋɔ, “Israel tena kpɔ ba te dawɛ he Ijipt tena nɛɛ dɛɛ nyin kɛ hé cha ba, kɛ he do kɛŋɔ pul daŋɡbala waa wola kpeɡe.

Ɛsekeɛl 29:6 ပူးပေါင်းရင်းမြစ်များ

2 Koranar 18:21

Na, dɛ Ijipt Kooro nɛɛ he kpɔ he te dawɛ aa, aa doo kɛŋɔ haa kpɔ pul ɛ daŋɡbala, ásɛ o ku dɛ́ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa.”

2 Koranar 18:24

Haa won kpɔ he te maɡɛ Asiiria koojen nomonome la bini bechala kwara, kɛ he dɛ hwɛɡɛ Ijipt kooro nɛɛ kɛ ó ba tɛɛ kwaa aa do kɛŋɔ torɔɡore, ne laa tena baa dɛ so jaɡre ta.

Kaala 14:18

Maa ba pɔ kooro ne o nɛra nɛɛ la, anee baa ba jema kɛŋɔ menee Korowii.”

Kaala 9:14

A laa ɡe aa, mɛɛ tɛr he ne he nomonome ne he nɛra deŋnee á ɡwaa kohona, ásɛ he jemɛ kɛŋɔ nomɛlbwa toole dɛ do kɛŋɔ men harɛ nɔ bwa ta.

Aesaya 36:6

Na, dɛ Ijipt kooro nɛɛ he kpɔ he te dawɛ aa, a do kɛŋɔ haa kpɔ pul ɛ daŋɡbala, asɛ o ku dɛ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa.

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Wiile 4:17

Ya ta sie nyiŋi ŋɔ ya ken ɛɛ dɔ chae, dɛ ba kahonɛ. Ya cheɡɛ ya dejaŋa ta nyiŋi kɛŋɔ, yaa dɔ harɛ bɛl nɛraa bá ba lɛ yaa le ya dɔma nɔn ta kahonɛ.

Ɛsekeɛl 17:17

Ijipt kooro ne o laa tena baa wara dɛ do kpeɡri, dɛ jemɛ yoi kohona la aa won chao laa ta, ɡɛ saŋ o laa tena aa ba ma teera sawɛ bwɛjen la danjwɛɛre, dɛ́ che a ta kpoo nɛra kohona la.

Ɛsekeɛl 28:26

Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Ɛsekeɛl 29:16

Israel tena aa ba tenee kpɔ dawɛ Ijipt tena nɛɛ ŋɔ bá cha ba kpa. Baa na waa aa ba Ijipt harɛ laanee, dɛ na kɛ aa were kɛŋɔ ba kpɔ ba te dawɛ Ijipt tena nɛ. Ásɛ Israel tena jemɛ kɛŋɔ menee Nemenɛ Korowii.”

Ɛsekeɛl 30:8

N ɡelɔ nii ba chɔɡ Ijipt harɛ dɛ kpoo nɛra baa dɛ chao waa, anee baa ba jema kɛŋɔ menee Korowii.