Ɛsekeɛl 29:18 - mzwDBL

¹⁸ “Nɛwɛnyini bie, Babelɔn Kooro Nebukadnesa kpɔ o laa tena ka yo bwɛjen Taaya tena. O ɡelɔ o laa tena la che bontɔɡa ba nyuune ɡba, ba vaama swe. Kɛ kooro la ne o laa tena la bɛlbwa ta tɔnɔ bɛlbwa dɔe le a ta.

Ɛsekeɛl 29:18 ပူးပေါင်းရင်းမြစ်များ

Jeremia 27:6

Menee kpɔ harɛre nɔ bwa do n bonɔɔ Babelɔn Kooro Nebukadnesa nɔn ta, hale dɛ ɡel kpɔɡ bini ola bwa ɛɛ tomɔ.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Ɛsekeɛl 27:31

Baa koh he waa fonɛ ba nyuune, dɛ́ kpɔ lweyale tɔ. Baa wiu kohona tɛɛ lokua ne.