Ɛsekeɛl 29:16 - mzwDBL

¹⁶ Israel tena aa ba tenee kpɔ dawɛ Ijipt tena nɛɛ ŋɔ bá cha ba kpa. Baa na waa aa ba Ijipt harɛ laanee, dɛ na kɛ aa were kɛŋɔ ba kpɔ ba te dawɛ Ijipt tena nɛ. Ásɛ Israel tena jemɛ kɛŋɔ menee Nemenɛ Korowii.”

Ɛsekeɛl 29:16 ပူးပေါင်းရင်းမြစ်များ

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Aesaya 20:5

Nɛra baa dɔ Itiopia hwɛɡa, dɛɛ tamane Ijipt nɛɛ la ɛɛ ɔmɔɔ sihiih kpo ba.

Ɛsekeɛl 21:23

Jerusalam tena noɔ waa baa yarada, fɔo ba ne kooro la aa fɔwa la wa. Kɛ aa ɡeloo ba lii ba wechɔɡa baa ɛa, ásɛ ba laɡ ba laa ta.

Wiile 4:17

Ya ta sie nyiŋi ŋɔ ya ken ɛɛ dɔ chae, dɛ ba kahonɛ. Ya cheɡɛ ya dejaŋa ta nyiŋi kɛŋɔ, yaa dɔ harɛ bɛl nɛraa bá ba lɛ yaa le ya dɔma nɔn ta kahonɛ.

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Aesaya 64:9

Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Hibru 10:17

O berɔ ŋɔ, “Maa ba wechɔɡa waa lii kpa bwa.”

Hibru 10:3

Saraha laanee dɛɛ lii ba bena bɛlbwa kɛŋɔ wechɔɡ-ɛɛraa ban,

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Hosia 5:13

Israel tena na ba weela, asɛ Juda tena ɡe na ba ŋwɛra, asɛ Israel la Asiiria koojen be ŋɔ ó ba cha ba. Kɛ o ta wone chah ba weela, o ta wone chah ba ŋwɛra ɡe.

Ɛsekeɛl 29:21

A ɡɛ waa nɔ chiɡo aa, mɛɛ ɡeloo Israel tena do kpeɡri, ásɛ dɛ ɡel hen Ɛsekeɛl bol waa nomɛlbwa no, ásɛ ba jemɛ kɛŋɔ menee Korowii.”

Ɛsekeɛl 29:9

Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii. Haa ŋɔa ŋɔ hen dɔ Nael Moo, henee ɛo la wa.

Ɛsekeɛl 28:26

Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Yela 79:8

Bɛ ya naawa wechɔɡa baa ɛa kpɔ tɛr ya deŋne. Na ya sum warane, ya hwɛɡa bwa tonɔ.

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

Nɛra Kura 5:15

a chɛ kɛ báa la kpɔ o haah la la sɔfo be, dɛ́ che haah la naa ta, dɛ́ nyin men aa kpera kuruwa beŋkpoŋ, dɛ bɛ noo kɛɛ daawiile a sɔɔh aa soma baa dɛ fuah a ta do, dɛkalkɛŋɔ a ɛ mea saraha dɛ tɛ meera. A ɛ saraha aa dɛ baɡle kɛ nɛn di bolchɔɡe kɛɛ o ta bolchɔɡe dii.