Ɛsekeɛl 29:10 - mzwDBL

¹⁰ N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta.

Ɛsekeɛl 29:10 ပူးပေါင်းရင်းမြစ်များ

Ɛsekeɛl 30:12

Mɛɛ ɡeloo nenabɔɔne aa su Nael Moo ta hweeh, ásɛ dɛ yoɡ harɛ la tɛ nɛnchɔɡa. Mɛɛ ɡeloo nɛŋhɔɔhra ba chɔɡ harɛ la, ne komɛlbwa aa lɔ o ta o chɔ pɛɛ. Men Korowiirii bola.”

Habakuk 3:8

N Naa Korowii, he baah di neerare nɛɛ kɛɛ? He bandia lɔ nenabɔɔne nɛɛ kɛɛ? Mpo nɛɛ he baah di, ɡɛ saŋ haa soɡe he jaɡre, ne torɔɡore baa vɔrɔwa pɛl a nɛɛ dɛɛ la ka yo nɛra dɛ́ pɔ ba nɛɛ kɛɛ?

Ɛsekeɛl 29:11

Nɛn kɛɛ ol bɛlbwa aa o taa kpɔ. Bene fifraanaarɛ habɔɔ laa aa, nomɛlbwa kɛɛ komɛlbwa aa won so bela.

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Jeremia 44:1

Korowii bol Israel tena baa lɔ Ijipt bwɛjena Miɡdol ne Tapanes ne Mɛmfes, dɛ banɔ la baa lɔ harɛ la weekaŋle harɛbɔr waa men Jeremia be.

Kaala 14:2

“Ŋɔ Israel tena be ŋɔ ba berɛ ba baŋre ba tɛnte deene Pi Haherɔt jwɛh waa lɔ Miɡdol ne Mposwɛm baah ta la. Bá so mpo nyoa ásɛ Baal Sefon ɡe do baŋ bɛl.

Ɛsekeɛl 13:8

Anomanta, Nemenɛ Korowii ŋɔ, “He dɛ neɡre nɛra, he waa ha ŋɔa aa bao ne he wepila la ɛ nyosone, n ne he dɔɔ.

Ɛsekeɛl 21:3

n ne ba dɔɔ. Mɛɛ pamɛ n keree le o tɔɔ ta, dɛ́ kpoo nɛra ba wa aa toɡra ne wechɔɡ-ɛɛra bwa.

Ɛsekeɛl 26:3

Anomanta, Nemenɛ Korowii ŋɔ, ‘Taaya tena, n ne he dɔɔ. Mɛɛ ɡeloo harɛre nɛra wur bá tɔ he nɛɛ kɛŋɔ mpo nehɛma ken dɛ́ yo heya.’

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 29:9

Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii. Haa ŋɔa ŋɔ hen dɔ Nael Moo, henee ɛo la wa.