Ɛsekeɛl 28:26 - mzwDBL

²⁶ Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Ɛsekeɛl 28:26 ပူးပေါင်းရင်းမြစ်များ

1 Koranar 4:25

O ta aa soɡe le la, dɛ nɛra baa soɡe Juda ne Israel harɛ bwa ta ɡɛ saŋ lɔ bosɔɔhna ta. Le Dan dea harɛ waa lɔ weekaŋle nyundua, dɛ́ ba kaa Beɛseeba o ɡe aa lɔ weekaŋle harɛbɔr. Dɛ dea bɛlbwa nɛra dɔ bosɔɔhna, dɛ dɔ fiɡ ne ɡrepo daa kooni.

Yela 149:9

Bá tɛr harɛre nɛra la deŋne, ɡɛ Korowii aa bola la. Korowii nɛra ba wa aa toɡra bwa jirimaa la. Hé kpɛɛ Korowii!

Kaala 29:46

Baa jemɔɔ kɛŋɔ menee Korowii baa dɛ tom mɛ, n kpɔ ba le Ijipt harɛ n ne ba so. Menee Korowii baa dɛ tom mɛ la.”

Sɛɡla 14:26

Baa waa dɛ ɔmɛ Korowii bwara dɛ sɔɔhno. Wɛɛ kpɔ nɔnee tɔ o haah ne bii nɛ.

Aesaya 17:14

A tel jɔmɔra aa, ba dɛ ɛ ɔmewa, kɛ tɔɔ ne pera chɔɔ dɛ ba kaalɔ. A ɡɛ waa nɔɔ dɛ́ chiɡ nɛra baa bal ya laala kɛ laa ta kwa kaa la nɛ.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Jeremia 12:14

Anomanta, Korowii ŋɔ, “Harɛre nɛra ba nyu bini aa kpeɡa, ba so bar harɛ maa kpɔa tɛ n nɛra Israel tena ba ba chɔɡo la, mɛɛ le ba ne ba harɛre taa, kɛŋɔ ba yon fuɡri dua la ken, dɛ́ lɛ Juda tena le ba bini.

Jeremia 29:28

O kpɔ kala tɛ yaa Babelɔn kɛŋɔ yaa so belaa biɡri. Anomanta, hé ma deene dɛ́ so a bini, ásɛ dɛ parɛ bodɛɛɡa dɛ́ du daa dɛɛ di a ta.”

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.

Jeremia 32:15

Koranar Bwa Kooro, Israel tena aa dɛ tomɔ la bolɔ ŋɔ, ‘Baa berɔ yawɛ deene ne kooni dɛ daa kooni he harɛ nɔ ta ja.’ ”

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Jeremia 32:43

Ba dɛ bol ŋɔ harɛ nɔ ɛɛ doo kɛŋɔ pua hɛŋle ɡbo harɛ, ásɛ nɛra kɛɛ kpɔɡ bini ola aa wola won so o ta, ásɛ ba kpɔ do Babelɔn tena nɔn ta. Kɛ baa berɔ yawɛ kooni bonɔ ja.

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Ɛsekeɛl 28:22

men Nemenɛ Korowii ŋɔ, ‘Bwɛjen Sidon, n ne he dɔɔ. He nɛɛ mɛɛ ba cheɡa dɔ jirima. He nɛra ɛɛ jemɔɔ kɛŋɔ menee Korowii ɡɛ saŋ maa ba tɛr ba deŋne, dɛ́ baɡle kɛŋɔ n do ɡoroŋ la.

Ɛsekeɛl 28:24

Bwɛɛre aa bar Israel cheme, ba ne baa wola somɛ, baa lii ba ne wechɔɡa, dɛ do kɛ jabalnadaŋɛre ne sɔɔhne tɛɛ ba la aa lee do kpa. Baa jemɔɔ kɛŋɔ menee Nemenɛ Korowii.’ ”

Ɛsekeɛl 34:14

Mɛɛ teɡaa kaa dibɔra aa wera taa á ka di. Israel harɛ bwejena doree mɛɛ ba a dɛɛra, á dɔ kpɔɡdɛɛɡa di a bwara sɔɔhna.

Ɛsekeɛl 34:31

Hé ɛ n peera, mɛɛ dɛɛ heya. Hé ɛ n nɛra, n ɛ Korowii haa dɛ tom mɛ. Men Nemenɛ Korowiirii bola.”

Ɛsekeɛl 36:9

He waa lɔ n bambile ta, mɛɛ sune he nɛɛ he berɛ parɛ he harɛ la, dɛ́ du kwa.

Ɛsekeɛl 38:11

Hɛɛ ŋɔɔ hɛɛ ka yo Israel harɛ ta bwɛɛre baa dɛ lii kɛŋɔ ba soɡe deŋnesɔɔhna ta, baa wola danjwɛjena mae bara, a ba ɛ kɛ aa dɔ doonyoo ba kpɔ bune dɛɛ kaɡra laanee.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Ɛsekeɛl 39:10

Aa hiah kɛŋɔ ba la kpɔɡ bini ka nyin daa kɛɛ dɛ́ ka teŋni daa kɔr bini ba mar kpa, dɛkalkɛ baa dɛɛ mar dɔmkwaa laanee. Ba ɡe ɛɛ ka pa nɛra baa pa ba laala laa ta la laalaa. Men Nemenɛ Korowiirii bola.

Hosia 11:11

Baa kpɔ bochelaa dɛ́ ba kɛŋɔ Ijipt harɛ ta jumbii ken, kɛŋɔ Asiiria harɛ ta kwehre ken. Mɛɛ kpɔ baa ba so ba deremi ta ja. Men Korowiirii bola.”

Hosia 2:15

Mɛɛ berɛ o daa kooni laanee tɛo, ásɛ dɛ berɛ Akɔ Fɛlembɔjen la bela hwɛɡa aa lole. Belaa wɛɛ ba yela ɡoe silɛɛ ne kɛŋɔ o toli saŋ, ne ɡɛ awola tɔpere waa le Ijipt harɛ ta la ken.

Hosia 2:18

Awola tɔpere la, n ne kpɔɡ bini ola ne jumbii, ne kwaa aa dɛ tuuɡi tea ta dɛ anɔ la aa dɛ huuh ɛɛ fɔwɛ fɔwee, ásɛ a bɛ n nɛra wobɛlbwa ɛ. Mɛɛ le laa ne dɔmkwaa kɛŋɔ, to ne hɛma dɛ tokobie bwa nee harɛ la taa, ásɛ bɛlbwa dɔ deŋnesɔɔhna harɛ la ta.

Habakuk 2:8

He pa harɛre nɛra kondɔɔh bwa, ɡɛɛ nɛra baa kaa la ɡe ɛɛ ba hé kondɔɔh pae. Nɛra haa kpoora dɛ fuɡe ba chale ta kohona, ne chɔɡa haa chɔɡ harɛre ne bwɛɛre ne nɛra baa soɡe a ta la nomanta, ɡɛɛ baa ba he ɡe ɛɛ.

Sekaria 1:15

kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.

Mmarare 12:10

Kɛ hɛɛ le Jɔɔdan Moo la baŋee, dɛ́ ka so bela Korowii haa dɛ tomɔ nɔ aa kpɔa dɛɛ ba heyaa tɛɛ ó ɛ he kapɛrɛ kon, dɛ́ ɡel he onɛ le he dɔma nɔn ta, ásɛ dɛ so deŋnesɔɔhna ta.