Ɛsekeɛl 28:25 - mzwDBL

²⁵ Nemenɛ Korowii ŋɔ, “N baa boa Israel tena maa lɔ ba peɡre harɛre ta bwa nyoa tonaa, harɛre nɛra bwa ɛɛ jemɔɔ kɛŋɔ n do ɡoroŋ. Israel tena ɛɛ so ba ɡbaɡba harɛ maa kpɔa tɛ n bonɔɔ Jekɔb la taa.

Ɛsekeɛl 28:25 ပူးပေါင်းရင်းမြစ်များ

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Ɛsekeɛl 37:25

Harɛ maa kpɔa tɛ n bonɔɔ Jekɔb la taa baa ba soɡa, harɛ ba naawa fa aa soɡe o ta la. Ba ne ba bii ne naanar, dɛ ba ɡe bii ɛɛ so o taa saŋ bɛlbwa dɛɛ la, ásɛ kooro waa do kɛ n bonɔɔ Kooro Devid ɛ ba kooro saŋ bɛlbwa dɛɛ la.

Ɛsekeɛl 36:28

Harɛ maa kpɔa tɛ he naawa laanee n berɛ dɛɛ ba kpɔe tɛ heyaa hé so o ta, ásɛ he ɛ n nɛra, ń ɡe ɛ Korowii haa dɛ tom mɛ.

Ɛsekeɛl 11:17

Berɛ ŋɔ ba be ŋɔ, ‘Men Nemenɛ Korowii ɛɛ boa ba nyoa le harɛre maa lɔ ba peɡre a ta la taa, dɛ́ berɛ kpɔ Israel harɛ la tɛɛ ba ja.’

Jeremia 23:8

Kɛ baa ŋɔɔ, ‘Korowii waa lole saŋ bɛlbwa, dɛ lawɛ Israel tena le weekaŋle nyunduabɔr harɛ ta, ne harɛre waa lɔ ba peɡre a ta.’ Ásɛ ba dɔ ba ɡbabir harɛ dɛ́ so o ta.”

Yela 106:47

N Naa Korowii yaa dɛ tomɛ, lɛ yaa dɛ́ berɛ lawɛ yaa le harɛre ta ba, ásɛ ya kpɔ jam tɛɛ dɛ́ kpɛɛ he sɔn waa do ɡoroŋ la.

Ɛsekeɛl 34:13

Mɛɛ lawaa le harɛre aa kaa a ta la taa, dɛ́ boa a nyoa. Mɛɛ le a ne harɛfala taa dɛ́ kpɔa ba a ɡbaɡba harɛ ta. Israel bwejena dor ne neerare nyoo aa sɔnaa dɛɛ ba a dibɔra ɛɛ.

Ɛsekeɛl 28:22

men Nemenɛ Korowii ŋɔ, ‘Bwɛjen Sidon, n ne he dɔɔ. He nɛɛ mɛɛ ba cheɡa dɔ jirima. He nɛra ɛɛ jemɔɔ kɛŋɔ menee Korowii ɡɛ saŋ maa ba tɛr ba deŋne, dɛ́ baɡle kɛŋɔ n do ɡoroŋ la.

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 27:11

Kɛ dɛ harɛ bɛlbwa nɛra kpɔ ba te ka do Babelɔn kooro lɔɡa dɛɛ tomɔ waa, ate mɛɛ ɡeloo ba so ba ɡbaɡba harɛ ta, dɛɛ parɛ o ta. Men Korowiirii bola.”

Joel 3:7

N dɛ ba n laɡ ba le harɛre haa yoɡ ba tɛ la ta, ásɛ waa haa ɛɛ ba la ɡure he nyu ta.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Ɛsekeɛl 39:27

Maa laɡ ba le harɛre ta, ba dɔma harɛre baa soɡe a ta dɛ́ ba boa ba nyoa la, mɛɛ che ba nɛɛ dɛ́ ɡel harɛre ta nɛra jemɛ kɛ n do ɡoroŋ.

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 37:21

dɛ́ ŋɔ men Nemenɛ Korowii ŋɔ, ‘Mɛɛ lawɛ n nɛra Israel tenaa le harɛre baa chwaa ka so a ta laanee. Mɛɛ boa ba nyoa le bela bwa baa lole, dɛ́ berɛ ba ba ne ba ɡbabir harɛ ta.

Ɛsekeɛl 34:27

Harɛ la ta daa bɛlbwa ɛɛ nɔnɔɔ kɛrɛdɛ, ásɛ koo kondikwaa ɛ kohona, nomɛlbwa so deŋnesɔɔhna ta o harɛ ta. N baa lawɛ n nɛra le nɛra baa dɛ fiɡ ba kɛ yoma nɔn ta naa, anee baa ba jema kɛŋɔ menee Korowii.

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Ɛsekeɛl 34:14

Mɛɛ teɡaa kaa dibɔra aa wera taa á ka di. Israel harɛ bwejena doree mɛɛ ba a dɛɛra, á dɔ kpɔɡdɛɛɡa di a bwara sɔɔhna.

Hosia 2:15

Mɛɛ berɛ o daa kooni laanee tɛo, ásɛ dɛ berɛ Akɔ Fɛlembɔjen la bela hwɛɡa aa lole. Belaa wɛɛ ba yela ɡoe silɛɛ ne kɛŋɔ o toli saŋ, ne ɡɛ awola tɔpere waa le Ijipt harɛ ta la ken.

Hosia 11:11

Baa kpɔ bochelaa dɛ́ ba kɛŋɔ Ijipt harɛ ta jumbii ken, kɛŋɔ Asiiria harɛ ta kwehre ken. Mɛɛ kpɔ baa ba so ba deremi ta ja. Men Korowiirii bola.”

Jeremia 12:14

Anomanta, Korowii ŋɔ, “Harɛre nɛra ba nyu bini aa kpeɡa, ba so bar harɛ maa kpɔa tɛ n nɛra Israel tena ba ba chɔɡo la, mɛɛ le ba ne ba harɛre taa, kɛŋɔ ba yon fuɡri dua la ken, dɛ́ lɛ Juda tena le ba bini.